O secretario de Organización do PSOE reúnese con Puigdemont de cara á amnistía das independentistas represaliadas
Santos Cerdán, secretario de Organización do PSOE, xuntouse hoxe en Bélxica co ex presidente catalán Carles Puigdemont, de Junts, no marco das negociacións para que o presidente español, Pedro Sánchez (PSOE), sexa reelixido no Congreso. As partes declararon que as negociacións “avanzan na boa dirección”. As forzas nacionalistas catalás exixen, entre outros, a amnistía das persoas independentistas represaliadas polo Estado para apoiar Sánchez.
Panamá prohibe a minaría metálica e convoca un referendo logo das protestas contra unha mina de cobre
O Porriño acollerá os migrantes que ían chegar a Sobrado dos Monxes
O Concello do Porriño acollerá nun albergue do municipio os migrantes procedentes das Canarias que estaba previsto que chegasen a Sobrado dos Monxes (comarca de Melide) esta segunda feira. Fontes precisaron que chegarán á localidade o día 1 de novembro e serán aloxados nun albergue. Esta segunda feira estaba previsto que o Goberno situase no municipio de Sobrado dos Monxes a 40 dos máis de 400 migrantes que ten intención de trasladar á Galiza, pero finalmente descartouse esta opción, entre críticas do alcalde socialista da localidade, Lisardo Santos, que sinalou que o Concello non tivo "ningunha comunicación oficial, nin por parte da Delegación nin do Ministerio, dicindo nin unha cousa nin a outra".
Prohibido fumar: o Concello de Santiago declara o parque de Galeras libre de fume
Recuperan uns 4.000 paquetes de tabaco que apareceron flotando no río Ulla á altura de Pontecesures
As pernoctacións en aloxamentos extrahoteleiros galegos soben 21,5% en setembro polo tirón dos albergues
A sociedade civil sudanesa busca reactivar a transición democrática no medio da guerra
Ducias de organizacións civís e grupos políticos do Sudán resolveron en Adís Abeba, a capital etíope, crear a Fronte Democrática Civil, que estará liderada polo ex primeiro ministro Abdallah Hamdok, transcendeu a sexta feira. Hamdok foi deposto por un golpe de Estado en 2021 protagonizado polas Forzas Armadas sudanesas e os paramilitares das Forzas de Apoio Rápido. Desde o 15 de abril, militares e paramilitares enfróntanse nunha guerra civil.
Rexístrase un terremoto de magnitude 3,3 con epicentro en Ribeira
O Instituto Xeográfico Nacional alertou na madrugada desta sexta feira do rexistro dun terremoto con epicentro no concello de Ribeira (O Barbanza). Segundo a entidade, o sismo tivo unha magnitude de 3,3 na escala de Richter e foi moi pouco perceptíbel. O sismo, segundo o Instituto Xeográfico Nacional, deuse por volta das 7.35 horas desta sexta feira.Desde a entidade aconsellan protexerse en caso de sentir un terremoto de forte magnitude, asegurando os elementos que poidan caer e protexéndose debaixo de mesas.
As dúas partes da guerra civil sudanesa reactivan as conversas en Arabia Saudita
A cidade saudita de Jeddah acolleu hoxe a volta á mesa de negociación das Forzas Armadas sudanesas e os paramilitares das Forzas de Apoio Rápido, que fora suspendida en maio. Polo de agora, os militares descartaron un alto o fogo mentres se negocia a fin da guerra civil, que comezou o pasado 15 de abril e elevou a cifra de persoas desprazadas á forza no Sudán a máis de sete millóns, amais de desatar un conflito étnico en Darfur.
Mobilización polo centro de saúde do Páramo
Baltar convoca unha xunta directiva na que o PP dá por feito que renunciará a liderar o partido en Ourense
O paro subiu en 92.700 persoas no terceiro trimestre do ano no Estado español
O paro subiu en 92.700 persoas no terceiro trimestre do ano no Estado español, o que supón 3,3% máis que no trimestre anterior e o seu maior repunte en valores absolutos desde o terceiro trimestre de 2020, en plena pandemia. O total de desempregados subiu así até as 2.855.200 persoas e a taxa de paro avanzou dúas décimas, até 11,84%, segundo os datos da Enquisa de Poboación Activa (EPA) publicados esta quina feira polo Instituto Nacional de Estatística (INE). O Ministerio de Asuntos Económicos destacou que o mercado laboral continuou mostrando no terceiro trimestre unha "boa evolución".
A Fiscalía de Venezuela abre unha investigación por "fraude" nas eleccións primarias da oposición
O Polisario critica que Sumar non exixira ao PSOE á volta ao dereito internacional no Sáhara Occidental
O abandono do Estado español na pasada lexislatura do dereito internacional no que atinxe ao Sáhara Occidental “xa deixou de ser unha responsabilidade exclusiva do actual presidente en funcións”, Pedro Sánchez, do PSOE, ao non reclamarlle Sumar rexeitar a autonomía marroquí sobre o territorio ocupado no pacto para un Goberno de coalición, comunicou hoxe Abdulah Arabi, delegado da Fronte Polisario no Estado español.
A inflación industrial baixa 7,5% na Galiza no mes de setembro
Os prezos industriais na Galiza diminuíron 7,5% en setembro en comparación co mesmo mes de 2022, a pesar de que en agosto baixaran 8,4%, segundo informa esta cuarta feira o Instituto Nacional de Estatística (INE). Desta maneira, a inflación industrial galega caeu por baixo da media estatal, porque no total do Estado este dato situouse en -8,6% en setembro. Na Galiza, os bens de consumo subiron de prezo 7%, mentres que os bens de equipo fixeron o propio 1,2%. Con todo, os bens intermedios e a enerxía foron os que tiraron da inflación industrial cara abaixo, caendo 5% e 23,1%, respectivamente en setembro.
O Congreso constitúe as dúas primeiras comisións desta lexislatura
O Congreso ten previsto constituír esta cuarta feira as dúas primeiras comisións parlamentarias que funcionarán durante a XV Lexislatura: a do Estatuto do Deputado, que se encarga de autorizar ou non as actividades privadas de cada membro do Congreso e de tramitar os suplicatorios que remite o Supremo cando quere investigar a algún parlamentario, e a de Peticións, cuxo labor é garantir o cumprimento do dereito que asiste á cidadanía de expor as súas demandas na Cámara. A constitución destas dúas comisións, así como a de Regulamento, competen exclusivamente á Cámara e non dependen da estrutura do Goberno, pero mentres a composición das dúas primeiras está taxada regulamentariamente non sucede o mesmo coa de Regulamento.
As mulleres islandesas, en folga para reclamar a fin la violencia machista e da fenda salarial
Democracia Ourensá concorrerá coa súa propia marca ás eleccións galegas
A formación política Democracia Ourensá (DO) concorrerá coa súa propia marca ás próximas eleccións ao Parlamento da Galiza. Así o deu a coñecer o seu líder, Gonzalo Pérez Xácome mediante un comunicado esta terza feira. Explica que DO presentarase como "o partido que é" ás eleccións do Parlamento Galego de 2024 e non baixo unha plataforma, cuxa alternativa "chegou a sopesarse cando se anunciou ir aos comicios". Con todo, aínda que Democracia Ourensá será quen forme a lista electoral, si adiantan que se incluirá nela cidadáns independentes de distintos puntos da circunscrición.
O Parlament de Catalunya vota sobre prohibir os famosos 'correbous'
O Parlament de Catalunya vota esta cuarta feira se tramita unha proposición de lei de comúns e da CUP para prohibir os 'correbous' na praia, os 'bous capllaçats' e os 'bous embolats' no país, tradicionais en municipios das Terres de l'Ebre (Tarragona). O pleno dará comezo ás 15 horas desta terza co monográfico sobre enerxías renovábeis e alongarase até a quinta co debate á totalidade doutra proposición de lei sobre dereitos de información en hipotecas e créditos, mocións e interpelacións. A iniciativa para abolir estas modalidades de 'correbous' chega ao hemiciclo máis dunha década despois de que o Parlament prohibise as touradas en Catalunya, nunha votación na cal CiU e PSC deron liberdade de voto aos seus deputados.