Un home é condenado a cinco anos e 11 meses de prisión por acoitelar un veciño en Silleda
Un veciño da localidade de Silleda (comarca do Deza) aceptou unha condena de 5 anos e 11 meses de prisión tras recoñecer ser autor dun delito de tentativa de homicidio, por asestar dúas puñaladas a outro home en xullo de 2021. Ademais deberá pagar unha indemnización de 15.000 euros á vítima e abonar os gastos ocasionados ao Servizo Galego de Saúde (Sergas). O Ministerio Público ha incluíu a atenuante de alteración psíquica e rebaixou a súa petición de pena.
Localizan a muller de 35 anos desaparecida desde a terza feira en Compostela
SOS Desaparecidos desactivou na noite da cuarta feira a alerta pola desaparición de Vanesa Asorey Méndez, a muller de 35 anos de idade que estivo en paradoiro descoñecido desde a terza feira en Santiago. A Policía Nacional abrira unha investigación por mor da denuncia da súa parella, despois de voltar á casa do traballo constatar que a parella non estaba no domicilio. Non se descartaba "ningunha hipótese", tampouco a marcha voluntaria.
A planta de Megasa carece de data de reapertura após a fuga radioactiva
Manuel Ruiz será candidato ao Senado e afástase da Alcaldía de Ribeira para facilitar que o PP goberne
PSOE e Anova gobernarán xuntos en Val do Dubra
O Concello de Val do Dubra (comarca de Santiago) terá durante os próximos catros anos un Goberno bipartito formado por PSdeG-PSOE e Anova liderado polo socialista Diego Luís Díaz Méndez. Nas eleccións municipais, PSdeG e Anova obtiveron tres edís cada un e o PP, cinco. Os socialistas, encabezados por Díaz, e Anova, con Antonio Negreira Noya, anunciaron esta cuarta feira en rolda de prensa un acordo para conformar o Executivo. Dividiron as responsabilidades de goberno de forma equitativa: tres áreas para cada formación.
Suspendidas as visitas ao pazo de Meirás mentres os Franco retiran os bens autorizados polo xulgado
Pedro Pui, "encantado" de "botar unha man" a Feixoo no Congreso
Os nacementos na Galiza aumentan 2,5% en abril mais baixan 2,1% no que vai de ano
Galiza rexistrou 1.126 nacementos o pasado mes de abril, o que supón 2,5% máis que os 1.098 bebés contabilizados no mesmo mes de 2022, segundo datos publicados polo Instituto Nacional de Estatística (INE). Desta maneira, os nacementos crecen no país, a pesar de que a nivel estatal diminuíron 1% en abril, con 25.141 nenos. No que vai de ano, rexistráronse na Galiza 4.474 bebés, 2,1% menos que no mesmo período do exercicio previo, mentres que no total do Estado esta caída foi de 1,75%, ata 103.443 nenos.
Dous detidos após a desarticulación dun punto de venda de droga en Compostela
A Policía Nacional desarticulou un punto de venda de drogas en Santiago de Compostela nun operativo no cal foron detidas dúas persoas por tráfico de estupefacientes, concretamente cocaína e heroína. A unha delas impútaselle tamén tenencia ilícita de armas. O corpo policial, segundo informa, detectou a presenza dun posíbel punto negro de venda na capital galega grazas a un dispositivo dentro do plan de resposta contra o tráfico retallista e consumo de drogas.
A directora xeral de Traballo con Díaz, Verónica Martínez Barbero, número un de Sumar en Pontevedra
O PSOE confirma que non entrará no Goberno de Goretti Sanmartín en Santiago
Retiran do encoro de Cecebre 1.000 cangrexos americanos, unha das especies invasoras "máis perigosas"
Os premios literarios da Deputación da Coruña reciben máis de 470 obras
A Deputación da Coruña recibiu un total de 473 obras nos seis premios literarios convocados este ano. Estes son Manuel Murguía de Ensaio, Castelao de Banda Deseñada, Rafael Dieste de Teatro, Raíña Lupa de Literatura Infantil e Xuvenil e Torrente Ballester de Narrativa. Entre os meses de xuño e novembro, reuniranse os xurados de cada un dos certames para conceder os galardóns. Os premios contan cunha dotación económica de 62.500 euros.
Identifican un mozo que destrozou co seu coche as alfombras do Corpus en Gondomar
A Garda Civil de Gondomar identificou un mozo de 20 anos acusado de esnaquizar co seu coche as alfombras florais preparadas na localidade con motivo da festividade do Corpus Cristi. Os feitos sucederon na madrugada do domingo, cando o mozo pasou co seu vehículo sobre as alfombras tras saltar un sinal de prohibido o paso, outro de dirección obrigatoria e varios valos metálicos que protexían as alfombras florais do Corpus na Rúa Eduardo Iglesias.
Dúas evacuadas, unha con síntomas de inhalación de fume, por un incendio nun piso en Lugo
Dúas mulleres tiveron que ser evacuadas, unha delas con síntomas de inhalación de fume e outra cunha crise de ansiedade, ao producirse un incendio nunha das vivendas dun edificio en Lugo. Todo ocorreu pasadas as 19.30 horas da tarde do luns, cando varios veciños puxéronse en contacto co 112 Galiza para alertar deste fogo rexistrado no quinto piso dun inmóbel da Avenida de Garabolos. De feito, un dos alertadores explicaba que os ocupantes permanecían no interior do domicilio, do que saía un fume negro pola porta.