Antonio e Eva coñecéronse na discoteca Paraíso en 1989. Esa mesma noite, Eva quedou embarazada e, pasados uns meses, casaron e tiveron a Alejandra. Trinta anos despois, Alejandra regresa á casa para filmar un documental sobre a vida de seus pais. Pero Antonio e Eva agora están divorciados, levan anos sen verse e a vella discoteca onde se coñeceran transformouse nun supermercado Eroski.
Anxo regresa á súa vila natal, no rural galego, despois de rematar a Guerra Civil española. Alí topa co rancor e a desconfianza, tanto de gañadores coma de vencidos.
Frank "O irlandés" Sheeran foi un asasino a soldo da mafia italo-americana da costa este dos EUA que aprendeu o oficio servindo en Italia durante a Segunda Guerra Mundial. Agora que é vello lembra a súa vida marcada pola súa participación activa dentro da familia Bufalino e a amizade que tivo con Jimmy Hoffa, líder sindical e activista que desapareceu misteriosamente a finais de xullo de 1975.
Roald Amundsen liderou a primeira expedición que chegou o Polo Sur, e non descansou ata acadar outras metas polares nas que tamén foi pioneiro.
Arthur Fleck é un aspirante a comediante que se gaña a vida como pallaso para poder pagarse a medicación que mantén a raia un estraño trastorno mental e tamén para coidar da súa nai coa que vive nun pequeno piso de Gotham. A escalada de violencia nas rúas da urbe prognostica un caos inminente... un caos que terá nome propio.
Un pai e a súa filla tratan de sobrevivir nun mundo afectado por unha pandemia que aniquilou a metade da poboación.
Tras cumprir condena por pirómano, Amador é posto en liberdade. Ao saír do cárcere, ninguén o agarda. Nunha aldea perdida das montañas lucenses, volverá convivir coa súa nai Benedicta, a súa cadela Luna e tres vacas. A vida transcorre a ritmo sosegado no medio da natureza, pero todo cambia cando un lume violento arrasa o lugar.
O comandante Roy McBride recibe a misión de ir na procura de seu pai, o doutor Clifford McBride que, anos antes, viaxara Neptuno nunha misión de procura de vida extraterrestre.
Javed, un mozo británico de ascendencia paquistaní, aspira ser escritor. Non remata de atopar a súa propia voz pero un día descobre Bruce Springsteen. As letras e a música do “Xefe” provocarán en Javed un profundo cambio na súa forma de afrontar a vida.
No verán do 79, dúas familias, desesperadas pola situación en Alemaña do Leste, planean unha fuxida en globo á Alemaña do Oeste.
Un grupo de terroristas entra no Hotel Bombai matando indiscriminadamente a calquera que se lle poña por diante. Empregados e hóspedes tratarán de reverter a situación.
Mario traballa de enfermeiro nunha residencia de anciás. É un traballado exemplar apreciado por todos. O ingreso do narco máis coñecido da zona sacará a relucir o seu lado máis escuro.
Nun campamento saharaui no medio da nada, Sidahmed, Zaara e Taher pasan os seus días arranxando automóbiles que non poden levar a ningures, loitando por un cambio político sen resposta e usando o poder da creatividade e a diversión para denunciar a realidade circundante.
O picadiscos Zack (Tom Waits), o proxeneta Jack (John Lurie) e o turista italiano Roberto (Roberto Benigni) son encarcerados xuntos nunha cela. Tras un tempo de convivencia chea de retesías fanse grandes amigos e conseguen escapar a través dos pantanos de Louisiana.
O período de graza rematou. John Wick quedou excomulgado. Desde ese momento ninguén pode prestarlle axuda. Milleiros de asasinos de todo o mundo tratarán de darlle caza e facerse coa recompensa de 14 millóns de dólares que pesan sobre a súa cabeza. Pero John conserva un as baixo a manga...
Altamente recomendábel para nostálxicas e nostálxicos dos thrillers noventeiros que non dubidarían un instante en apuntarse nun ciclo de cinema formado por A man que arrola o berce, Atracción fatal, Muller branca solteira busca e Misery.
