andrés castro

Son máis de cine pero... en ocasións vexo series. E si, loxicamente Xogo de tronos tiña que ser unha desas series. Basicamente porque está feita cun despregue cinematográfico insólito superando moitos filmes e, por suposto, a maioría das series de televisión. Lóxico que me enganchara desde o primeiro capítulo. Tiven a miña fase de resistencia, seis anos de para ser exactos, pero esas reminiscencias O señor dos aneis e Dune (dous dos meus libros e filmes preferidos) foron determinantes para o irremediábel enganche.

Charlie e Eli Sisters son dous asasinos a soldo. En plena febre do ouro, o Comodoro encárgalles dar caza Hermann Kermit Warm, un científico cunha fórmula química que pode revolucionar a procura do prezado metal. Pero non son os únicos que van tras el.

Os Vingadores unificarán forzas para acabar con Thanos e restaurar a orde do universo.

Vers é unha poderosa integrante das forzas especiais kree. Após dunha misión de rescate acaba na Terra onde comeza ter recordos sobre o seu pasado como Carol Danvers, unha piloto de avións militares.

Earl Stone (Clint Eastwood) é un horticultor nonaxenario e veterano de Guerra que, fronte as débedas, decide facer de mula para un cartel mexicano. O axente da DEA Colin Bates (Bradley Cooper) segue os seus pasos.

Astrid Lindgren é unha moza de imaxinación prodixiosa e grandes dotes para a narrativa. Pronto entra traballar nun xornal local e namora do xefe, un home casado. Ás dificultades da súa complicada situación sentimental empeoran cando Astrid queda embarazada.

Adalaide Wilson volve á casa onde adoitaba pasar as vacacións estivais de pequena cos seus pais. Agora ela está casada e é nai de dous fillos. Tras un intenso día de praia comezan aparecer vellos recordos dun suceso que marcou a súa infancia, un suceso que ten moito que ver coa presenza de catro estraños que aparecen no medio da noite fronte á porta da casa.

Kun ten catro anos. É o rei da casa. De súpeto nace a súa irmá Mirai. A frustración e a perda de atención faille espertar un sentimento de ciumes incontrolábeis. Só a familia poderá axudalo a superar este novo sentimento... aínda que teñan que transgredir as leis do espazo-tempo.

Van Gogh deixa París por Arlés, unha pequena vila do sur de Francia cunha luz especial que lle produce a inspiración necesaria. Comeza pintar todo o que lle rodea, en parte, para fuxir dos seus propios pensamentos.

Jarvis Dolan é o locutor estrela do polémico programa de radio “A crúa realidade”. O mesmo día que un antigo colaborador volve para presentar a dúo o programa, un par de enmascarados toman o control da emisora para desvelar un escuro segredo.

Irena e Wiktor percorren todo o país na procura de talentos para a súa agrupación folclórica. No medio dunha audición, Wiktor namora de Zula, unha bela campesiña afeccionada ao canto. É o inicio dunha apaixonada historia de amor que tratará de prevalecer en tempos de Guerra Fría.