arquitectura

Preciso ten unha dobre acepción. Por un lado, significa que algo é necesario e útil. Aquilo que convén e é adecuado. Pero tamén quere dicir que una cousa está feita con exactitude e rigor, que ten precisión. Con este dobre significado definen estes tres arquitectos (Carlos, Alberte e Enrique) a súa arquitectura.

O concello de Barro vén de acoller a actividade ‘Laboratorio da Paisaxe. Escenarios para a vida’. Trátase dun proxecto de investigación, organizado pola Asociación Cultura Tirante e dirixido pola arquitecta Sheila García, no que converxen diferentes artes co obxectivo de afondar nas relacións co territorio e para darlles visibilidade ás problemáticas da Galiza Baleira e o despoboamento do rural.

Nunha dilatada carreira Alfonso Penela compaxina os grandes edificios públicos, as novas iconas urbanas, con pequenas intervencións case anónimas. Mestura os grandes proxectos con obras preocupadas polo detalle. Para o arquitecto todas as escalas son interesantes, mesmo o máis miúdo, que ás veces lle dá máis traballo que o grande.

O arquitecto Jorge Salgado Cortizas traballa coa mirada posta na paisaxe. Cada proxecto na súa contorna é unha maneira de ir arranxando aos poucos, e con modestia, o seu territorio máis próximo.

As arquitectas e os arquitectos deseñan edificios útiles e fermosos, pero iso non é suficiente para xerar un hábitat agradábel. O que sucede entre os edificios tamén é importante. Prazas e rúas forman parte do noso espazo vital. O urbanismo estratéxico é a ferramenta que emprega o estudio MMasa para facer máis sas as nosas cidades e vilas. 

A doutora en Arquitectura, Cristina Botana, estuda a segregación urbanística da poboación xitana.

É difícil atopar hoxe en día unha persoa que resida en Santiago que non coñeza, polo menos de ter estado unha soa vez, a súa Praza de Abastos. Mesmo para o turismo que ateiga as rúas compostelás pasou a ser un punto de visita obrigada ao figurar entre os monumentos da cidade. Aínda así, as naves que o compoñen seguen agochando como naceron e quen foi o seu artífice. Coa intención de reparar esta situación, a arquitecta e investigadora Ruth Varela concibiu o documental Os segredos do Mercado de Abastos, un audiovisual que afonda sen complexos na obra que deseñou o arquitecto asturiano Joaquín Vaquero Palacios.

Juan Prieto e Faustino Patiño son dous arquitectos moi diferentes. As súas formas de pensar e traballar chegan a ser opostas, mais as súas diferencias fan que funcionen como equipo. As súas miradas son complementarias. 

Iago Valverde (Nigrán, 1985), arquitecto e colaborador de Sermos Galiza, acredita nunha arquitectura “cotiá” e “próxima”, desligada desa idea de grandes proxectos monumentalistas. Defende, ademais, unha arquitectura que sirva no “día a día” da cidadanía e que parta do compromiso co respecto do pasado. Interesado na divulgación do coñecemento, defende que a actual arquitectura galega ten “boa saúde” e apunta que o seu futuro pasa non tanto por novas construcións como pola rehabilitación e recuperación do existente.

O arquitecto Iago Lestegás prosegue o ciclo de análises de 'Nós Diario'.

As novas pedagoxías reclaman outro xeito de educar. Outros enfoques, como o da arquitectura, están entrando nas aulas. Arquitectos como Fermín Blanco están a facer un labor híbrido, entre a arquitectura e a educación. Ao tempo que crea dinámicas de aprendizaxe, transforma o espazo educativo.

A terra é un dos materiais de construción máis antigos que se coñecen. Aínda que está presente en construcións antigas da Galiza, hai poucas persoas que continúen con esta tradición. O estudio de arquitectura Hábitat Social está recuperando este material, poñéndoo ao día.

A arquitectura está presente na vida de toda a xente, no cotián debe responder ás nosas necesidades do día a día. Porén, hai ocasións especiais onde, cando o encargo o esixe, é precisa unha arquitectura fóra do normal. OLA estudio desenvólvese nas dúas frontes, entre o ordinario e o extraordinario.

As melloras evidentes na cidade, sobre todo de espazos públicos, fan esquecer o destruído e incorporámolas axiña, mentres que as desfeitas vémolas reversibles e alleas a nós.

Cando a fachada, teito e cuberta teñen un tratamento especial ou cando un material cobre todo o edificio, nese momento en arquitectura fálase de "pel". Aquilo que envolve os edificios e que pode ter múltiples formas, texturas e cores. Esa é unha das especialidades do estudio Santos Mera.

O semanario que poderás atopar este sábado nos quiosques e puntos de venda habituais, así como na nosa loxa en liña, tamén fai un repaso á historia da banda deseñada no país e atopa tempo para analizar a "pel" dos edificios.

A arquitecta María Novas volta a casa para achegar en formato libro as súas investigacións sobre a súa profesión desde unha óptica feminista. Doutoranda pola Universidade de Sevilla, traballa na Universidade Tecnolóxica de Delft, nos Países Baixos. Hoxe presentará a súa obra no Centro Social do Mar de Bueu.

A delegación viguesa do Colexio Oficial de Arquitectos da Galiza (COAG) e o Concello de Vigo inauguraron esta segunda feira unha exposición sobre as creacións do arquitecto, cuxo traballo foi requerido no seu día pola sociedade burquesa da cidade.

Arquitecto, escultor, pintor e profesor. Fai pouco viuse obrigado a xubilarse da universidade, pero segue activo nas outras tres disciplinas. Leva máis de 40 anos de carreira interdisciplinaria, movéndose con naturalidade entre a materia e as ideas. 

O xurado dos Gran de Area do Colexio Oficial de Arquitectos da Galiza (COAG) elixiu 13 achegas, 9 delas casas unifamiliares, pisos e mesmo un edificio de vivendas sociais. Tamén levou un premio un elemento pensado como solución dunha infraestrutura hoteleira fronte á Covid-19.