Sergio Marey (Pol, comarca de Meira, 1997) comisaria a mostra 'As 7 e 7. Hora de falar', onde pon en diálogo as obras de artistas da colección do Museo Provincial de Lugo con outras artistas contemporáneas. A exposición estará aberta ao público até mediados de abril.
María Xosé Silvar, Sés, cantante, filóloga e activista galega, é a gañadora da vixésimo terceira edición do Premio Ramón Piñeiro Facer País, un galardón destinado a persoas que traballan en prol da lingua e da cultura da Galiza e que concede que a Asociación Cultural Val de Láncara. A entrega do premio será o vindeiro 18 de novembro precisamente en Láncara (comarca de Sarria). Sés recibirá o recoñecemento de mans da poeta Luz Fandiño, galardoada na pasada edición.
Helena Salgueiro, directora escénica e coreógrafa, é unha das organizadoras da I Asemblea Creadoras Feministas na Galiza, un colectivo que nace para defender os intereses de mulleres e identidades disidentes nas prácticas artísticas e, como ela di, “un espazo que quere pór por diante os coidados e os afectos”.
Lucía Aldao, poeta e artista, vén de publicar PAVA2, un disco que dá continuidade ao que xa lanzara o pasado ano, PAVA. Aldao aborda as dificultades dos tempos nos traballos creativos, especialmente en relación coa economía e a exclusividade, así como a intención “de poder levar os nove temas ao directo no 2023”.
O museo coruñés recompilou numerosas pezas deste pintor -procedentes de coleccións privadas e de institucións públicas- para fornecer ao público unha visión global do seu "mundo repleto de autenticidade".
Concibida desde unha vocación divulgativa e coa necesidade de dar a coñecer os aspectos básicos da lexislación e o universo xurídico da creación artística, Ramón Rey García vén de tirar do prelo a primeira Guía legal para autores e artistas de Galiza, que será presentada na cuarta feira 3 de novembro, na libraría Couceiro, en Compostela.
Lucía Guldrís, que escolleu o nome de Lucía GQ como alcume artístico, dedícase á elaboración de colaxes manuais e analóxicas. A ourensá, vencellada desde moi nova á arte e á cultura, chegou ao mundo da colaxe e das composicións a través da fotografía analóxica, técnica que tamén domina. De modo autodidacta e asistindo a diferentes obradoiros, Lucía GQ foi construíndo un estilo propio para a confección de composicións, nas que emprega unicamente elementos reciclados e fotografías de revistas antigas.
Sandra, Marina, Jennifer, Aroa e Tania son as creadoras de Espazo Brétema, unha asociación en prol da difusión de artistas galegas que traballan diferentes manifestacións artísticas. Naceu por dous motivos: quixeron afrontar este novo proxecto como unha saída profesional tras rematar os seus estudos en Historia da Arte e pertinentes mestrados. Ademais, aínda que hai espazos similares dedicados á arte galega, quixeron facelo doutra maneira, aproveitando os seus coñecementos.
Esther Goris (Bos Aires, 1963) é unha das grandes referencias da escena arxentina. Actriz de cine e de teatro, habitual nas series das canles de televisión, directora dun importante número de filmes e montaxes dramáticas e escritora, achéganos a súa relación coa Galiza, a terra natal do seu pai e da súa nai, á que permanece intimamente ligada.
Eva González, alumna do IES Val do Tea de Ponteareas, decatouse de que non había mulleres artistas en todo o temario de 2º de bacharelato de preparación para o acceso á universidade. Xunto a outras compañeiras, como Mara Lago e Carla Coto, decidiron tentar mudar esta situación. Co apoio do seu profesor de Historia da Arte, Xurxo Gómez, e a comisión de Igualdade do centro organizaron unha exposición polo 8-M e enviarán unha proposta de artistas ao organismo competente para que mude esta situación.
A recoñecida artista prepara, xunto a Culturactiva, unha peza para reivindicar ás mulleres do país. Ademais, ten previsto seguir actuando con outros proxectos como Nabiza Girl ou Os nenos da varíola