![[Imaxe: Moncloa] Consello de Ministros](/asset/zoomcrop,480,270,center,center/media/nosdiario/images/2017/10/21/2017102114043377863.jpg)
[ACTUALIZADA ÁS 17:17H] O Senado asume as competencias do Parlament, quen non poderá nen investir novo presidente nen se reunir para facer unha declaración unilateral de independencia.
No caso de que nos próximos días o president da Generalitat, Carles Puigdemont, declare a independencia a Fiscalía presentará contra el unha querela por delito de rebelión. Este delito pode supoñer, na máis grave das hipóteses, unha pena de até 30 anos de prisión.
Acción-reacción. O confronto non se dá un respiro. Puigdemont respondeu na segunda misiva a Rajoy que ou diálogo ou DUI e a réplica non se fixo esperar: o portavoz do Goberno, Íñigo Méndez de Vigo, anunciou un consello de ministros extraordinario para este sábado en que formalmente se activará o artigo 155. De acordo co roteiro previsto, o soberanismo convocará o Parlament para votar a independencia.
Xa hai resposta de Puigdemont ao requerimento -segundo prazo, segunda resposta- de Rajoy.
Xusto 24 horas despois do discurso do chefe de estado español chegou a resposta do president da Generalitat, Carles Puigdemont. Cunha escenografía moi coidada, a procurar o efeito dunha resposta institucional de igual a igual, a réplica do líder soberanista a Filipe VI foi moi clara: "Així no" (así non). Puigdemont rexeitou o discurso do monarca e pediu unha mediación internacional para o conflito político entrar en vías de solución.
A declaración de independencia de Catalunya após a vitoria incuestionábel do SI no 1-O é cuestión de días, revelou Carles Puigdemont nunha entrevista exclusiva coa BBC, nova mostra do interese do Govern na internacionalización do conflito. Paralelamente, a Audiencia Nacional cita por sedición o major dos Mossos, Josep Lluís Trapero, e os presidentes de Assemblea Nacional Catalana e Òmnium Cultural, Jordi Sànchez e Jordi Cuixart.
Bastóns (de mando) en alto ao grito de Votarem! (votaremos!). Así comezou a recepción esta mañá na casa do concello de Barcelona ás alcaldesas e alcaldes de toda Catalunya que colaborarán no desenvolvemento do referendo do próximo 1 de outubro. Á recepción institucional que presidiu Ada Colau, alcaldesa de Barcelona, que esta semana anunciou que tamén facilitará as votacións, seguiu outra no palacio da Generalitat, con Carles Puigdemont, o mesmo día que o Boletín Oficial do Estado publicaba o acordo polo que o Estado intervén as contas de Catalunya.
A ofensiva dos aparatos do Estado para inviabilizar o referendo do 1-O non se toma nen un respiro. Ao día seguinte de un millón de persoas ocuparen civicamente as rúas do Eixample barcelonés, o TC suspende a Lei de Transitoriedade e fundacional da República catalá, a norma que entrará en vigor se o SI se impor na consulta autodeterminista. "Se me inhabilitan, ao día seguinte iría traballar con normalidade", afirmou esta terza feira Carles Puigdemont. O Govern nega toda lexitimidade ao TC e as institucións xudiciais españolas.
Pisa a fondo o acelerador o Estado e os seus aparatos represivos contra o Govern e a maioría dos integrantes da Mesa do Parlament por ter aprobado o decreto de convocatoria do 1-O e ter permitido a tramitación da Lei do Referendo, respectivamente. A Fiscalía, ás ordes do Goberno Rajoy, entende que o presidente da Generalitat e a totalidade do seu Govern poderían ter cometido un delito de malversación de fondos públicos, ilícito penal que pode comportar penas de prisión.
O xornal británico sinala que os contrarios á independencia quixeron aproveitar os atentados en Barcelona para forzar ao Govern a abandonar o referendo, pero Puigdemont advirte que non o frearán as amezas de cárcere.
O president da Generalitat, Carles Puigdemont reaccionou a través das redes sociais á decisión do Goberno central de Mariano Rajoy de esixirlle á Generalitat que xustifique todos os gastos semanalmente baixo a ameaza de lle cortar a billa do Fondo de Liquidez Autonómico.
En setembro de 2017 está axendado un novo referendo en Catalunya que, de vencer a opción independentista, abriría a billa para unhas eleccións constituíntes ao Parlament á altura de marzo de 2018. Esa é a nova folla de rota soberanista. Puigdemont, de visita en Madrid, non exclúe que o roteiro se poda negociar con Madrid.
O 130 presidente da Generalitat obvia calquera referencia ao rei e a constitución, algo inédito nestas tres décadas, na ceremonia de toma de posesión. O Estado avalía impugnar o acto por non citar a carta magna española.
