CIG

A filial de ACS no ámbito da limpeza, residencias e axuda ao fogar, o Grupo Clece, négase a mellorar as condicións das súas traballadoras na Coruña malia que o seu sector foi un dos máis beneficiados pola pandemia. Ademais, denuncian despedimentos de dúas das súas operarias do SAF en baixa laboral. 

Aos problemas habituais de cada negociación colectiva, como as que dependen de acordos estatais, este ano sumóuselle a pandemia. Os sindicatos falan de "paralización" e de dificultades para convocar a patronal, así como de atrancos para poder exercer os seus dereitos como representantes das e dos traballadores. 

Febreiro confirma os malos datos de desemprego e o aumento deste entre as mulleres e a mocidade. Ademais, seguen a medrar os expedientes de regulación temporal de emprego (ERTE). Desde a CIG, CCOO e UXT lembran a necesidade de mobilizarse, implementar un plan de reconstrución económica e derrogar as reformas laborais.

A CIG, CCOO e UXT concentráronse esta sexta feira na Coruña coincidindo co xuízo contra Alu Ibérica por vulneración de dereitos sindicais na folga que o persoal iniciara o pasado 26 de decembro. Os seus secretarios xerais aproveitaron a acción para anunciar mobilizacións e unha gran manifestación nesa cidade para o vindeiro 27 de marzo.  

A CIG denuncia unha estratexia de dixitalización "á brava" que afecta á clientela.

A situación das empresas auxiliares de Navantia en Ferrol é alarmante. Até hoxe destruíronse uns 2.500 empregos e perigan o resto pola falta de carga de traballo na comarca. Son datos da CIG. Sen expectativas de futuro, Navantia tensa aínda máis a corda coa da Unión Temporal de Empresas (UTE) Tecman-Rayma, encargada do seu mantemento, na que traballan 56 persoas. 

A reunión multilateral entre a multinacional, o Ministerio de Industria, a Xunta, os sindicatos e o comité de empresa marca o prazo de acordo no día 30 de abril. 

Anuncian mobilizacións na Galiza, Euskadi e Catalunya o 25 de marzo

A representación sindical inicia accións institucionais para evitar o fechamento. As xestións van encamiñadas a que a compañía mude os seus plans.

O Parlamento galego debaterá o vindeiro 23 de febreiro a primeira revisión do Plan Forestal da Galiza proposto pola consellaría de Medio Rural. Máis dun cento de entidades e colectivos anunciaron hoxe que protestarán ese día a partir das 11 horas desde o exterior da cámara baixo o lema 'Non ao plan forestal  do PP. Por un monte  galego con futuro' para denunciar o que consideran "carácter destrutivo" da proposta.

As traballadoras galegas tardarán un mínimo de 300 anos en conseguir a equiparación salarial cos homes, denuncia un informe da CIG sobre a situación laboral da muller

A CIG, que mantivo unha concentración ás portas da delegación do Goberno do Estado español, fai especial fincapé no risco que corren as e os profesionais sanitarios e do ámbito sociosanitario.

Hoxe decorreu na Coruña unha concentración en protesta pola última rescisión dun contrato. A representación sindical detectou cinco marchas desde decembro, se ben di que poderían ser máis porque a compañía non lle achega información. Ademais, denuncia a elevada carga de traballo que se soporta desde o inicio da pandemia.

A multinacional de Amancio Ortega está a mudar as condicións laborais do cadro de persoal das súas tendas impedindo a conciliación, segundo denuncia o Comite de Empresa de Zara, para obter máis beneficios. A conciliación familiar e a seguridade sanitaria son os ámbitos máis prexudicados.

Denuncian que cando o presidente da Xunta, Alberto Núñez Feixoo, afirmou no Parlamento que hai 2.000 profesionais listas para vacinar á poboación galega foi só por facer "propaganda". A representación dunha boa parte das traballadoras lembra que estas xa están asumindo máis tarefas das que lles corresponderían para facer o seguimento das pacientes en corentena nos domicilios.

A iniciativa foi impulsada pola CIG, o sindicato saharauí UGTSARIO e o arxentino CTA-A e suma apoios de Noruega, Brasil, Francia, Uruguai, Portugal ou Chipre.

A CIG desenvolveu unha xornada de mobilizacións por toda Galiza para esixir políticas que permitan unha recuperación socioeconómica e condicións "dignas". 

O decreto exclúe desta cobertura todo o persoal de ambulancias xa que non se considera persoal sanitario. Ademais, as e os traballadores que realizan o transporte non urxente foron relegados á terceira liña de vacinación.

As Administracións non contactaron coa tripulación do arrastreiro 'Venturer', con 64 persoas a bordo, que partiu o 14 de xaneiro do porto vigués e agora atópase en porto polo foco de coronavirus.