cultura

Había que intentalo é o nome con que Familia Caamagno veñen de bautizar o seu novo disco. Nel consagran un xiro cara ao pop enerxético e, en palabras do seu cantante e letrista Manuel Caamagno, “ás melodías máis traballadas”. Preséntano o sábado 13 de abril na Sala Capitol de Compostela.
 

Como en boa parte das músicas populares, as orixes do canto alentejano atópanse no traballo. No de homes e no de mulleres. Patrimonio Cultural Inmaterial da Unesco desde 2014, esta arte subalterna protagoniza Alentejo Alentejo, poderoso documental de Sérgio Trefaut e unha das pezas que apontan a conexión lusófona da MICE do Museo do Pobo Galego.
 

As crónicas é a primeira pista do novo disco da banda ourensá Os Amigos dos Músicos. A canción conta cun vídeo realizado por Rubén Domínguez de Prenom e afonda no seu pop de raíz norteamericana, excepcional talento melódico e lírica en galego.

A segunda edición de Alguén que respira!, o festival de poesía organizado polo Concello de Compostela co apoio da Xunta, xuntará poetas da envergadura de Xosé Luís Méndez Ferrín, o chileno Raúl Zurita ou a romanesa que escribe en portugués Golgona Anghel. A cita decorrerá do 21 ao 23 de marzo no Teatro Principal.
 

O Atlántica é a celebración do pracer e a aprendizaxe de se contar contos. Festival da narración oral, nesta edición, a sétima, desprégase por 16 concellos galegos, implica 30 narradoras e narradores e máis de 80 actuacións. No seu ecuador, o programa esténdese até o 23 de marzo.
 

A Feira do Disco e o Libro Galego de Monterroso consolídase. Para a cuarta edición, que se celebrará na vila ulloá este sábado 16 de marzo, a asociación cultural 25 Xastres preparou un completo programa de presentacións, concertos e obradoiros.
 

Máis de 300 actividades en vinte días para o vinte aniversario. Son as cifras que resumen o Salón do Libro Infantil e Xuvenil de Pontevedra, que tomará literalmente a cidade entre o 22 de marzo e o 12 de abril. “O proxecto naceu para revolucionar a cidade”, expuxo a concelleira de Cultura Carme Fouces (BNG), “non hai un evento similar en todo o país”.
 

A Televisión Galega non retransmitirá a gala de entrega dos premios de teatro María Casares. A Asociación de Actores e Actrices de Galiza (AAAG) adoptou a decisión logo de que a canle pública se negase a mellorar as condicións da emisión e nin sequera aceptase unha xuntanza con ela.
 

Festividades de inverno na provincia de Ourense é o título do ensaio co que Carlos Xabier Ares Pérez (Viana do Bolo, 1971) vén de se facer co premio Vicente Risco de ciencias sociais, outorgado pola Fundación Risco.
 

Rabia ao silencio é o título do novo disco de María Xosé Silvar, Sés. Esgazado dunha célebre cántiga do compositor e folclorista arxentino Atahualpa Yupanqui, o verso sintentiza a homenaxe á canción de autora revolucionaria que Silvar realiza no seu sexto traballo de estudio.
 

Entre as máis celebradas comedias de Shakespeare atópase Ao voso gusto. Enredos e ambigüidades, “brillante e divertida”, é peza maior do ciclo cómico do inglés. O tradutor Miguel Pérez Romero vén de publicar a súa versión nun volume conxunto coa “comedia problema” A medida por medida.
 

De “momento de especial gravidade” cualifica a Asociación de Escritoras e Escritores en Lingua Galega  (AELG) a situación actual en Galiza e no Estado español. Refírese á “vulneración de dereitos culturais, sociais e políticos”. Para reflexionar sobre a mesma convoca o Parlamento de Escritoras os vindeiros 15 e 16 de marzo en Pontevedra.
 

Sete filmes dos 16 que conforman a sección oficial da Mostra Internacional de Cinema Etnográfico (MICE) do Museo do Pobo Galego serán estreas en Galiza. E catro deles, de produción galega. A 14ª edición do certame celebrarase do 25 ao 31 de marzo en Santiago de Compostela.
 

O tradutor ao inglés de Sempre en Galiza, Craig Patterson, foi recoñecido co Premio Ostana, outorgado pola asociación cultural Chambra d'Òc e mais pola Comune -Concello- de Ostana, no italiano val do Po.
 

O Xabarín Club, o espazo infantil da TVG máis lembrado e popular, fai 25 anos. A canle pública celébrao cun programa dobre de concertos estes 12 e 13 de marzo na Sala Capitol de Compostela.
 

Pilar Vázquez Cuesta, catedrática de portugués na Facultade de Filoloxía da Universidade de Compostela, morreu o pasado 6 de marzo. Contaba 93 anos e un infatigábel labor de investigación e divulgación das culturas brasileira e portuguesa.
 

“A historia de centos de mulleres que cambiaron por completo a organización social de toda unha comarca no inicio do século XX en Galiza”. Sobre estes sucesos trata o documental Tecido Resistente, de Marina Chiavegatto, que se proxectará o sábado 9 de marzo ás oito do serán na Casa Museo Manuel María de Outeiro de Rei.
 

17.500 persoas, entre alas máis de 2.500 escolares, pasaron pola exposición Alba de Gloria. Unha experiencia, organizada polo Consello da Cultura. O seu peche oficial era o pasado 3 de marzo, mais o éxito de publico mudou os plans. A mostra permanecerá aberta até o 17 de marzo en San Domingos de Bonaval.