cultura

No medio da década dos 70, a poesía galega viviu a axitación propia dunha mudanza de época. Os manuais sinalan en primeiro lugar Con pólvora e magnolias (1976), de Ferrín, e títulos de López-Casanova ou Afonso Pexegueiro, como fitos. Pero houbo outros. Manuel Vilanova, que morreu esta cuarta feira aos 74 anos, foi talvez o máis discreto e, á vez, un dos máis radicais poetas contemporáneos.  
 

Manuel Rivas (A Coruña, 1957) será o segundo autor en galego que recibe o Premio Internazionale de Scritture in Lingua Madre de Ostana. O galardón distingue escritoras e escritores en “lingua materna”, linguas de pequenos territorios ou minorizadas.
 

A Xénese (2006) e a Humanose (2011) seguirao O Ciclo da Serpe. O grupo hip hop Dios Ke Te Crew vén de anunciar o seu terceiro disco, oito anos despois do anterior e coa formación reducida a trío.
 

O inspector Leo Caldas e o seu axudante aragonés Rafael Estévez cruzan a ría. A de Vigo. Porque en Tirán (Moaña) reside Mónica Andrade, profesora de cerámica que faltou a unha comida familiar e á que o seu pai busca con certa reserva. Eis a apertura de O último barco, a terceira novela de Domingo Villar que sae á venda este 6 de marzo, cuarta feira.
 

Aínda non se sabe da sección oficial, pero a décimo cuarta edición da Mostra de Cinema Etnográfico (MICE) do Museo do Pobo Galego vén de revelar as súas mostras paralelas: as fronteiras e a relación da música coa etnografía serán protagonistas.
 

Cando morreu, en 2004, a poeta Luísa Villalta deixaba catro libros de poemas. Tamén varios ensaios, entre eles O outro lado da música, a poesía (A Nosa Terra, 1999), que reflexionaba sobre as súas dúas grandes paixóns. O Centro Ramón Piñeiro lémbraa este 6 de marzo na xornada Palabra de Muller, en Compostela.
 

No segundo andar da casa onde residiu Álvaro Cunqueiro en Mondoñedo, ao seu regreso de Madrid na década dos 50 do século XX, hai un pucho orixinal de Merlín. Do Merlín de Merlín e familia, por suposto. No faiado, unha gravación dese cuco residente no bosque da Silva tan habitual nos seus artigos de prensa.
 

A sexta edición dos Premios Martín Códax da Música comeza. Até o 17 de marzo, a organización do certame acepta propostas e proxectos que, en 15 categorías, poden inscribirse na web www.premiosmartincodaxdamusica.com. “O certame continúa construíndo pontes para tratar de unir a todas as familias musicais galegas”, afirma o voceiro de Músicas ao Vivo, Xabier Mera.
 

Dúas das exposicións de maior éxito recente en Compostela entran nos seus últimos días. E ambas as dúas comparten protagonista: Alfonso Daniel Manuel Rodríguez Castelao. Alba de Gloria. Unha experiencia, en San Domingos de Bonaval, e Castelao maxistral, na Cidade da Cultura, pechan a porta este domingo, 3 de marzo.
 

Elas Son Artistas, Festival Metropolitano de múisica e artes pola igualdade, atinxe a súa segunda edición. Entre o 24 de maio e o 2 de xuño a área metropolitana da Coruña será escenario de 20 propostas culturais “nas que as mulleres creadoras son artistas”.
 

Chamádeme Simbad (Galaxia, 2009) é un dos títulos de máis éxito de entre a prolífica obra de Francisco Castro (Vigo, 1966). O libro, publicado nunha colección infantil, reflexiona sobre a memoria e a enfermidade. O 29 de abril estréase a versión teatral, no auditorio de Vigo, a cargo da Escola Municipal de Teatro.
 

A Residencia Literaria 1863 é o último proxecto da polifacética escritora Yolanda Castaño. A internacionalización da literatura galega e a promoción da escrita creativa, os seus motores. Para inaugurala, contará cun dos poetas de maior relevo de Latinoamérica, o chileno Raúl Zurita (Santiago de Chile, 1950). Recitará este 27 de febreiro, ás 18.00 horas, na sede do proxecto, na Coruña.
 

Miguel Fernández Cid será o novo director do Marco (Múseo de Arte Contemporánea) de Vigo. Anunciouno esta segunda feira o alcalde da cidade, Abel Caballero, quen presumiu dun proceso de escolla “con toda a transparencia, independencia e rigurosidade”. Nin boa parte do tecido cultural da cidade nin a oposición política comparten esa impresión.
 

Catrocentas fotos de mulleres migrantes conforman a instalación As Santas Migrantas, da artista Luz Darriba (Montevideo, Uruguai, 1954). Desde este 26 de febreiro, poderá verse na sala de exposicións da Universidade de Tras-os-Montes, en Vila Real (Portugal).
 

É un dos narradores maiores da literatura brasileira. “Linguaxe explícito, violencia, enigma e cinismo son algúns dos elementos que nos excitan e nos desafían da obra de Rubem Fonseca”, explica Producións Teatrais Excéntricas. Baixo a dirección de Quico Cadaval, estrea esta cuarta feira Carpe Diem no Teatro Principal de Compostela.
 

A traxedia da arquitectura valeulle a Xosé Luís Mosquera Camba (Bergondo, 1961) a cuarta edición do premio de poesía Xosé María Díaz Castro, que convoca anualmente o Concello de Guitiriz.
 

Dezanove cineclubes artellan en Galiza un circuíto paralelo, alternativo, á exhibición cinematográfica comercial. Agrúpanse na Federación de Cineclubes de Galiza, entidade fundada en 1984 e que a Academia Galega do Audiovisual vén de distinguir co premio especial José Sellier.
 

Unha vez Bracara Augusta foi o corazón administrativo da Gallaecia. Andado o tempo e a historia, a política trazaría unha fronteira entre Portugal e Galiza que a cultura, e adoito os propios pobos, non aceptaron. O Dia da Galiza em Braga, que este 16 de marzo celebra a súa sétima edición, tampouco se somete a esa raia no mapa.