cultura

A Asociación de Escritoras en Lingua Galega (AELG) levou ao Panteón de Galegos, e Galegas, Ilustres a súa ollada sobre Rosalía de Castro. Este domingo, cando se fixeron 182 anos do nacemento da poeta, Ana Romaní leu o manifesto das autoras na igrexa de San Domingos de Bonaval en Compostela: “Escribir ela así no seu tempo é unha acción contra os grillóns da escravitude”.
 

A poeta “arrasou os marcos” e “desbotou as imaxes para quedar coas palabras”. “A treboada apoiada no permanente espello”. Transgresora e transcendete. Así é a poeta Xela Arias para a plataforma de crítica literaria feminista A Sega, que a honrará este ano coa distinción Galega nas Letras.
 

A segunda edición do festival Son do Camiño de Santiago de Compostela xa confirmou os cabezas de cartel. Entre eles estarán o histórico precursor do punk -conta 72 anos- Iggy Pop ou o picadiscos e produtor de electrónica comercial David Guetta.
 

“As alegorías nacionais encarnan en imaxes, son formas de muller, o significante dun significado. [...] Na Galiza somos diferentes, quizais un caso único, porque unha muller real, coa súa vida e a súa obra, encarna a nación”. A opinión é do deseñador gráfico Pepe Barro e expona na Rosa da Galiza, un dos textos dedicados a Rosalía de Castro e a súa imaxe incluídos no libro Máis que ver (Xerais, 2018).
 

“Este ano será unha ocasión especial para estabelecer pontes entre as novas xeracións, que viven no mundo globalizado e das tecnoloxías da comunicación, e as raíces dos avós, da memoria dunha cultura que non naceu onte”, expuxo o presidente da Real Academia Galega, Víctor Freixanes, na presentación das iniciativas do Ano Fraguas.
 

Vera Duarte (Mindelo, 1952) é unha das poetas principais da lteratura caboverdiana. Autora de Amanhã amadrugada ou Exercícios poéticos, esta segunda feira recitará na Coruña, dentro do ciclo Poetas Di(n)versos, canda Lucía Novas (Bueu, 1979).
 

A plataforma de crítica literaria feminista A Sega e a libraría compostelá Chan da Pólvora, especializada en poesía, organizan o vindeiro 26 de febreiro unha homenaxe á poeta Xela Arias.
 

182 anos despois do seu nacemento en Santiago de Compostela, a figura de Rosalía de Castro non deixa de medrar. Como escritora e como símbolo. O 24 de febreiro, día do seu aniversario, medra ano tras ano como xornada de celebración da súa obra, da lingua galega, da literatura e, ao cabo, da muller rebelde e libertaria que foi. Velaquí unha compilación das ducias de actos que se despregan sobre Galiza este domingo, Día de Rosalía.
 

Commedia, de Contraproducións, e Divinas Palabras Revolution, do Centro Dramático Galego, son as dúas obras con máis nominacións na 23ª edición dos Premios de Teatro María Casares: doce e 7, respectivamente.
 

Dúas décadas de existencia. Eis o tempo de vida dunha das máis emblemáticas librarías de Vigo, Andel, especializada en libro galego e portugués e que esta quinta feira anunciaba o seu peche nas redes sociais.
 

O segundo Encontro pola Cultura de Vigo vén de convocar os partidos políticos a un coloquio debate sobre “a grave situación das políticas culturais e sociais” na cidade. Agás o PSdeG, ao que pertence o alcalde Abel Cabllero e que xa rexeitou o convite, asistirán todos os grupos do pleno -Marea e PP- e mais BNG e Compromiso por Galicia. Será esta sexta feira, ás 17.30, no IES Polítécnico vigués.
 

Manuel Gallego Jorreto, arquitecto nado no Carballiño en 1936, vén de recibir o premio Nacional outorgado polo Ministerio de Fomento. “Máis de 50 anos de exercicio profesional marcado por unha arquitectura comprometida coa súa Galiza tradicional”, sinala o xurado do galardón.
 

No outono de 1913, Elisa Patiño converteuse na primeira galega en pilotar unha aeronave. “A señorita Patiño, primeira e intrépida galega que voou”, titulou daquela a revista Vida Gallega, “tres veces se elevou esta xentil paisaniña no aeródromo de Baltar”. A súa é unha das 11 figura que compoñen o segundo volume de Pioneiras. Galegas que abriron camiño.
 

“Fixen un caldo de groria / que me soupo que la mar; / fixen un bolo do pote / que era cousa de envidiar”, escribiu Rosalía de Castro en Miña casiña, meu lar. Estes versos serviron á fundación da poeta para, hai dous anos, lanzar a iniciativa Caldo de Gloria, que involucra locais de hostalaría de todo o país e algúns concellos nunha celebración da “épica diaria da supervivencia”.
 

Hai 22 anos que Xosé Manuel Budiño debutou en disco con aquela peza chave do novo folk galego, Paralaia. Seis discos despois ensaia un sorprendente e maduro xiro pop no seu novo traballo, Fulgor, que acaba de colocar na rúa e presentará o vindeiro 15 de marzo na Sala Capitol de Compostela.
 

A “lírica exploratoria”, os seus “dinámicos concertos” ou a súa “frenética” paixón multiinstrumentista son algúns dos argumentos escollidos pola revista musical británica Songlines para salientar Deixaas, o último disco de Mercedes Peón, entre o mellor facturado en Europa o pasado ano.
 

A 20ª edición do encontro Correntes d'Escritas, que esta segunda feira comeza en Póvoa de Varzim, conta con importante presenza galega. Teresa Moure, Cesáreo Sánchez Iglesias, a cantante Uxía ou Compostela como cidade convidada son algúns dos integrantes da delegación.
 

Unha intepretación do rostro de María Casares a cargo da ceramista Paula Pereira (Arcade, 1986) será o trofeo da 23ª edición dos premios de teatro María Casares, outorgados pola Asociación de Actores e Actrices de Galiza. As pezas substituirán ás tradicionalmente empregadas de Sargadelos.
 

“Isto non é outra escolma. É un reto. O reto de leres como feminista a poesía rosaliana”. Con esta contundencia abre a profesora Helena González Fernández (Vigo, 1967) o limiar a Rosalía feminista, a escolma de poemas de Rosalía de Castro que vén de elaborar para Edicións Xerais. “Deberás disporte a ler desde o 'triángulo de furias”, advirte ao lector.