enerxía eólica

Como se dun territorio africano na era da colonización europea se tratase, grandes corporacións estanse a repartir os lugares máis privilexiados da xeografía galega para instalar uns parques eólicos que “aniquilan todo ao seu paso, independentemente do seu valor medioambiental, cultural ou paisaxístico”. Enfronte están a atopar a oposición de plataformas cidadás como Stop Eólicos ou Salvemos O Iribio, que pretenden frear a “ambición desaforada” das eléctricas e os seus intentos de “engaiolar” as poboacións locais por “catro pesos”. Eis un extracto da reportaxe publicada no número 362 do semanario en papel Sermos Galiza.

A construción de parques eólicos en Paradela e na Serra do Iribio non só está a producir unha insólita articulación da oposición veciñal. Tamén na esfera política suscita resposta. O BNG quere que a Comisión Europea se pronuncie sobre esas infraestruturas, que afectan espazos protexidos pola Rede Natura.

A plataforma Salvemos O Iribio, formada por agrupacións ecoloxistas, asociacións veciñais, entidades culturais e organizacións políticas, vén de se poñer en marcha. A súa finalidade é “defender a Serra do Iribio, no Courel, das obras dun parque eólico e as instalacións electromecánicas asociadas”.

O deputado Antón Sánchez atacou esta segunda feira a política do Goberno galego a respecto da enerxía eólica. “O sector eólico é un negocio privado moi suculento”, dixo, “e as leis aprobadas no Parlamento deberían defender o interese xeral”. Sánchez cifrou en 600 millóns de euros a facturación anual das empresas eólicas e acusou á Xunta de complicidade con diversos proxectos cuxa legalidade puxo en dúbida.

A oposición veciñal aos parques eólicos de Enel Green Power/Endesa en Paradela vén de dar un paso adiante: constitúe a plataforma Stop Eólicos co obxectivo de impedir a instalación de 27 aeroxeradores de gran porte nunha “na que ata o de agora era unha das paisaxes máis privilexiadas de Galiza”.

Consideran que incumpre a Lei de Patrimonio de Galiza e obvia as medidas correctoras recollidas na Declaración de Impacto Ambiental.

A singular formación granítica coñecida como o Penedo do Castelo foi voada pola empresa Naturgy para a colocación dun novo aeroxerador eólico na serra do Gontón, entre Cabana de Bergantiños e Zas, tal e como denuncian desde a asociación Salvemos Cabana. Sermos Galiza conversa sobre esta e outras agresións á zona co seu voceiro, Moncho Varela.

A asociación ecoloxista Petón do Lobo critica que o alcalde de Cabana de Bergantiños, José Muíño (PP), encargara dous informes técnicos “con cartos de todas as veciñas e veciños” para apoiar un proxecto eólico de Fenosa Wind na serra do Gontón.

A construción de parques eólicos na comarca de Ordes está espertando a oposición da veciñanza. “É negativa para os intereses sanitarios e económicos dos veciños, así como para o medio ambiente”, sinalan nun documento para o que procuran sinaturas.
 

O BOE publicou este martes unha orde que obriga á comunidade a repercutir este e outros impostos

Nunha proposición non de lei presentada no Parlamento de Galiza, o Grupo Parlamentar de En Marea reclama a revogación da autorización do proxecto eólico Pena Forcada-Catasol II de Laxe, aprobado ao abeiro da coñecida como “Lei de Depredación”.

Pena Forcada, en Laxe, e Mouriños, en Cabana e Zas, son as últimas serras virxes da Costa da Morte, mais por pouco tempo. E é que a Xunta autorizou a instalación de novos parques eólicos, “de alto impacto e canon reducido” nestas paraxes. Así o denuncia a asociación ecoloxista ADEGA.

A macrosubasta de renovábeis deixa 3.000 megavatios eólicos para novos parques, unha adxudicación que se repartiron entre seis empresas que agora analizan onde ubicar as instalacións eólicas.

O marco regulador favoreceu as grandes empresas e coutou parques eólicos comunitarios, segundo sostén unha tese de doutoramento da Universidade de Vigo.

Na sentenza sinala a "retroacción das actuacións á fase de valoración da oferta" após detectar que as puntuacións feitas "non se axustan a dereito".