entrevista

Martxelo Otamendi (Tolosa, Gipuzkoa, 1957) xubílase o 30 de xuño e, tras 20 anos como director, dálle ao relevo a Amagoia Mujika á fronte de Berria, o único diario en papel euskaldún, que o pasado sábado celebraba o vinte aniversario nun acto ao que asistiron máis de 600 persoas. Aténdenos un día despois da mesa redonda que compartiu connosco e con Vicent Partal, director do diario dixital catalán Vilaweb, e pouco antes de recibir ducias de representantes de diversos medios de comunicación europeos que se desprazaron a Donostia para participar na asemblea anual da asociación Midas que el mesmo organizou. Publicamos un extracto da conversa, que será publicada de maneira íntegra no Sermos Galiza deste sábado, á venda con Nós Diario nos quioscos habituais.

Laura Parrula, tradutora, publica a súa primeira historia dirixida á infancia, 'Monstr3s', que tamén é a primeira obra orixinal en galego publicada pola editorial Patasdepeixe, que até o momento só publicara traducións. Ademais, esta obra está ilustrada por Óscar Villán, Premio Nacional de Ilustración.

Xosé Antonio Neira Cruz, xornalista, foi recoñecido co Premio de Poesía Xosé M. López Ardeiro pola súa obra 'Caderno de camiño', composta por 51 poemas que xiran arredor da experiencia do Camiño de Santiago e as vivencias e lecturas que se derivan del.

Sara Giunta, creadora de Street View Compostela, expón na galería Solaina.

Francisco Javier Fernández foi dobremente galardoado no mes de maio. Por unha parte, o seu poemario 'Koиpostэla' resultou gañador no Certame Poético Rosalía de Castro, mentres que a obra 'Primavera. A camareira, o cuarto e o libro de poemas' foi recoñecida co Premio de Novela Curta Antón Risco. Fernández aborda o xerme de ambas as historias así como os seus procesos de escrita: “Creo que esa é un pouco a miña voz: narrativa e con ritmo, inzada de imaxes. En cambio, a poesía que escribo é máis conceptual que rítmica”.

Xabier Paz, doutor en Bioloxía e escritor, regresa á poesía despois de 17 anos cunha plaquette editada en formato bilingüe en galego e francés. 
 

O nexo entre medios de comunicación e políticos susténtase nunha relación tóxica de compravenda de información. Axudas para os medios, a maioría delas sen transparencia nin control, a cambio de facerlle a vida agradábel ao poder renunciando á función social do xornalismo. O periodista e profesor Luís Álvarez Pousa, director da revista 'Tempos Novos', debulla esta realidade no ensaio 'Medios e políticos, baixo sospeita (1990-2023)', unha edición de Laiovento que recompila boa parte dos artigos publicados por este autor sobre este tema ao longo de máis de 30 anos.

Quico Comesaña volve aos escenarios para presentar Mãe acompañado dun novo grupo. Aliás, vén de recibir o Premio Martín Códax da Música, que o ratifica como un dos referentes do folk galego.

Se se quere reverter o desastre demográfico e o problema dramático do abandono rural, hai que tomar medidas de ordenación do territorio, asegura Rubén Lois González (Palas de Rei, 1971), vicepresidente da Unión Xeográfica Internacional, catedrático de Xeografía na Universidade de Santiago de Compostela e especialista en xeografía urbana e cultural.

Vanesa Álvarez, deseñadora gráfica, foi a encargada de pintar o mural situado no chan das áreas peonís de Union Square (Nova York), que mide 2.200 metros de longo. Unión co Universo, como se chama o mural, pretende lanzar unha mensaxe ecoloxista a todas as persoas que pasarán por enriba del durante o próximo ano.

Icía Varela, pandeireteira e cantareira, estará participando, por primeira vez en solitario, no espectáculo Celtic Odyssée, que terá lugar no Festival Intercéltico de Lorient, celebrado entre o 4 e o 13 de agosto.

Nati Rei é unha apaixonada da mitoloxía e da antropoloxía galegas, intereses reflectidos na súa primeira novela, 'A estirpe do arcanxo' (Aira), enmarcada dentro da fantasía cotiá e dirixida a un público xuvenil. Rei aborda os lugares e historias que espertaron nela o interese pola escrita así como algunhas das chaves que poden interesar ás persoas que queiran achegarse a esta aventura: "Gustábame a idea de mesturar a nosa mitoloxía coa temática dos anxos e demos, os anxos caídos".

Ramón Domínguez Veiga estréase no teatro coa súa obra Medo me dá!, pola que foi galardoado co Premio Anisia Miranda de Teatro para a Infancia, outorgado pola Fundación Neira Vilas. Nesta obra, Domínguez Veiga aborda a través do humor diversas situacións polas que pasan unha bruxa, unha pantasma, unha momia, un home lobo e un vampiro a noite de Samaín, no que el define como “falar dos medos dos que nos dan medo a nós”.

Unha das voces máis autorizadas para conversar sobre sociolingüística é a de María Pilar García Negro, autora de numerosos traballos sobre a lingua galega e cuxa tese de doutoramento, O galego e as leis. Aproximación sociolingüística, de 1991, ofrece unha exhaustiva revisión do tratamento iuslingüístico do idioma propio da Galiza. Mais en 1984, anos antes de ingresar como profesora na Universidade da Coruña, foi expedientada por impartir aulas en galego. Na súa etapa como parlamentaria do BNG, desenvolveu un intenso labor centrado nos usos sociais do galego e ela mesma impulsou iniciativas para modificar e facer cumprir a Lei de Normalización Lingüística. De aí que sexa a persoa acaída para botar a ollada a estes 40 anos.

Carlos Barros González, xornalista e membro da Sociedade Cultural e Deportiva do Condado, é un dos encargados de elaborar o libro que conmemora os 50 anos desta asociación a través de entrevistas coas persoas fundadoras e material gráfico e de hemeroteca.

Secretario xeral desde o ano 2017 da CIG, o primeiro sindicato da Galiza por representatividade, Paulo Carril (Touro, 1973) reivindica a mobilización como marca dun sindicalismo de clase consecuente. “Detrás desa intensidade mobilizadora hai capacidade de análise, de proposta e presentación de alternativas, de socializalas e explicarllas á xente e nós non drogamos a xente para que se mova. Triunfos como o conflito recente do metal de Lugo, ou das mulleres de Zara, demostran que é o camiño”, di nesta conversa que mantemos coa ollada posta nas eleccións estatais e no que supoñen para as traballadoras e traballadores galegos as medidas adoptadas desde o Goberno español.

Xanhe Redondo, máis coñecido polo seu nome artístico 'O Rabelo', vén de pór en marcha unha campaña de crowdfunding para levar adiante o seu próximo disco, 'Silva', que estará acompañado dun documental e unhas xornadas sobre o rural e o queer así como dun libro de poesía, 'Betadine'.

O doutor en Filoloxía Xaquín Núñez participa en 'Vigo Noir, cidade ilustrada'.

Laura Solla é guitarrista e natural de Pontevedra. No mes de maio tocou nos catro concertos que o grupo Coldplay deu en Coímbra (Portugal). Agora, de volta na casa, continúa traballando nos seus próximos proxectos xa que, como ela mesma di, "teño gravado moitos discos con xente moi diversa, mais a miña música é un tema que teño pendente e co que quero facer algo este ano".

Branca Novoneyra, poeta e membro da Fundación Uxío Novoneyra, foi unha das promotoras da participación da cidade de Lugo no programa Ulysses European Oddisey que conmemora o centenario da publicación do libro de James Joyce. A cidade foi, ademais, a única escollida en todo o Estado español para formar parte desta celebración, que tivo lugar entre o 19 e o 21 de maio.