entrevista

Ana Moura, nascida em Santarém, é considerada a fadista mais bem-sucedida a iniciar carreira no século XXI. A artista já vendeu mais de um milhão de discos no mundo todo, sendo uma das recordistas de vendas de discos em Portugal. Moura chega a Vigo este 24 de fevereiro para apresentar o seu último disco, 'Casa Guilhermina'.

Xoán Carlos Domínguez, escritor, foi o responsábel dun obradoiro posto en marcha pola Asociación de Escritoras e Escritores en Lingua Galega (AELG), que agora xermola coa publicación "Facer poesía en Celanova". Domínguez aborda o proceso de escrita que se levou a cabo entre o alumnado así como os beneficios que estas iniciativas poden aportar xa que, como el di, “é a oportunidade de mergullarse de cheo e estar en contacto con textos literarios diversos”.

Xoán Andrade, ilustrador, recolle a súa traxectoria nunha exposición, 'Pingas de humor crítico', que está aberta ao público até o 8 de marzo no Arquivo Municipal de Betanzos. Andrade aborda a súa evolución, tanto a nivel de ferramentas dixitais como no que respecta ao seu discurso, porque como el di, “o que interesa é tratar de mellorar un pouco a sociedade”. 

Manuel Esteban, médico e escritor, vén de publicar 'Setestrelo' (Xerais), unha novela infantil-xuvenil de ciencia ficción espacial. Esteban aborda a construción desta historia na que reflexiona sobre o paso entre a infancia e a vida adulta desde a perspectiva dun neno, xa que, como el di, "as crianzas levan os petos cheos de preguntas".

Carmen Penim, cantante e compositora, vén de publicar o seu novo traballo, 'A Fraga de Pasacorrendo' (Toxosoutos), en que aborda temas como as emocións e a relación coa natureza, así como a creación de historias para as crianzas incorporando “moitos recursos da narración oral, porque é algo que está dentro de min”.

Francisco Calo, profesor e catedrático de Xeografía e Historia, vén de publicar 'A historia de España baseouse en falacias' (Xerais), onde realiza unha crítica á historiografía do Estado español. Calo aborda a construción da historia en base a ideoloxías e intereses, xa que, como el di, "a historia que se explicaba non cadraba".
 

Este é Domingo Corredoiro e saen os Cigarróns ás rúas de Verín. Trátase dunha das citas máis destacadas do Entroido. Emilia Somoza, concelleira de Educación, Cultura e Festexos, aborda a programación deste ano na vila. Explica que se centra, especialmente, nas actividades infantís e en recuperar “unha festa que, para que luza de verdade, ten que ser de día e na rúa”. 

Lupe Blanco, regueifeira, fíxose, por segundo ano consecutivo, co primeiro posto no festival Espalla Rimas de Carballo. Blanco aborda a situación actual da regueifa e a evolución desta tradición ao longo dos anos porque é necesario, como ela di, “que non se perda a esencia, mais tamén darlle un aire novo”. 

Xosé Antón Cascudo, escritor, foi galardoado co Premio Ramón Piñeiro polo seu ensaio A mística da feminidade en Mad Men. Cascudo aborda os diferentes elementos presentes na serie, como as relacións de poder ou os procesos de cambio, porque, como el di, “o enorme poder da ficción televisiva reside en que ao final coñeces todo das personaxes”.

Carme Fouces, concelleira de Cultura de Pontevedra, presenta o evento que terá lugar o 11 de febreiro para conmemorar o Día Internacional das Mulleres e as Nenas na Ciencia. Fouces conversa sobre Foto 51, o nome desta cita, inspirado no traballo de Rosalind Franklin, e sobre a situación actual das mulleres neste campo: "Salvo algún ámbito moi concreto, a maioría dos ámbitos científicos están moi feminizados".

Tomás González, tradutor e escritor, é o fundador de Urco Editora, coa que vén de lanzar a Biblioteca Fantástica Dixital, poñendo de balde na web da Secretaría Xeral de Política Lingüística catorce obras de Jack London e Robert E. Howard. González aborda as diferentes estratexias á hora de escoller os libros a traducir, así como o libre acceso á cultura que, como el di, "é parte do ADN da nosa cooperativa".

Gustavo del Río, director teatral, é o autor de Mosca, a obra estreada no mes de xaneiro pola compañía Ártika. Del Río aborda os conflitos que poden xurdir arredor do acoso escolar, así como o papel que cumpre a ficción na abordaxe destas situacións porque, como el di, "o teatro non queda só no día da función".

María Armental, filóloga, foi a encargada de traducir 'Poemas escollidos', a primeira obra dispoñíbel en galego de Liz Lochhead, recoñecida como Poeta Nacional de Escocia en 2021. Armental aborda as diferentes temáticas que a autora trata na súa obra, como o feminismo, a pobreza ou a lingua, así como as dificultades que se presentan á hora de traducir os seus textos, entre outras cousas, porque "ela cre que a verdadeira lingua normativa de Escocia é a fala coloquial".

Cecília Ferreira, dramaturga, vén de participar no proxecto Dramaturxias Itinerantes, que ten o obxectivo de promover o encontro de creadoras escénicas da Galiza e Portugal. Ferreira aborda a súa implicación nesta iniciativa así como aspectos desta xuntanza, xa que como ela di, "somos pobos con moitas máis cousas que nos unen das que nos separan".

Pilar Carro era directora do Instituto A Sangriña (A Guarda) durante as mobilizacións do 'Nunca Máis' e do 'Non á Guerra' e viviu de primeira man como o a sociedade galega se levantou en autodefesa. Curro conversa con 'Nós Diario' acerca das mobilizacións e como a afectaron profesionalmente.

Ana Carreira, actriz e pedagoga teatral, foi galardoada co Premio Manuel María de literatura dramática infantil pola súa obra Nin me amoles, onde mestura a presenza dalgunha criatura máxica co tratamento de temas fundamentais para a infancia. Carreira aborda temáticas como o acoso ou o feminismo, así como as características das obras dirixidas a crianzas, xa que como di ela, “se van ao teatro queren divertirse, non só que lles deas unha lección”. 

Iria Friné, historiadora da arte e divulgadora, analiza as influencias artísticas e intelectuais no seu artigo Agora ou nunca. O cartel do Estatuto de Castelao publicado no último número da Revista Mazarelos. Friné aborda a necesidade de facer un estudo pormenorizado destas obras xa que, como ela di, “sen contexto é difícil comprender a profundidade e a importancia do calado”.

María Canosa, enxeñeira e escritora, foi galardoada co Premio Carlos Mosteiro pola súa obra Teño un volcán dentro, protagonizada por un neno diagnosticado con trastorno do espectro autista. Canosa aborda as expectativas sociais así como a riqueza da diversidade, mais tamén a creación dun relato que, como ela di, “buscaba transmitir unha historia realista, que non se dulcificase en exceso”.

Ana Badía, avogada, forma parte da Asociación Cultural O Mural, que vén de solicitar a declaración de Ben de Interese Cultural (BIC) para un conxunto de murais que o pintor Urbano Lugrís realizou nun baixo situado na rúa Olmos da Coruña. Badía relata os motivos que levaron a dita solicitude así como os próximos pasos a seguir xa que, como ela di, “intentaremos loitar todo o posíbel para que os murais estean protexidos”.  

Pementa Rosa, o restaurante da cociñeira Rocío Martínez en Carballo, é un claro exemplo de como se pode manter unha gastronomía baseada nos produtos locais e de tempada, utilizando o que se atopa no mercado e sempre en relación coa veciñanza do lugar. Con esta idea de promover a calidade nos seus pratos, a sustentabilidade na súa contorna e a súa comarca de Bergantiños como destino turístico, Martínez tamén se implicou no proxecto Os Fogóns do Anllóns, impulsado pola Deputación da Coruña e coa participación dos concellos. Desentrañamos coa chef algunhas das chaves do éxito dos pratos que ofrece e da súa visión do negocio da restauración.