entrevista

Sergi Saladié i Gil (Vandellos,1974) é profesor de Xeografía na Universitat Rovira i Virgili. Investigador de referencia para a enerxía eólica no Estado, centra o seu traballo no impacto económico das enerxías renovábeis. Nesta conversa, analiza a incidencia da enerxía eólica no emprego e no despoboamento.

Paula Chaves, a artista musical coñecida como Pauliña, está centrada en colaboracións con figuras de diferentes disciplinas mentres planifica a saída do seu próximo disco. Pauliña relata a súa participación no filme O home e o can, así como a colaboración no último traballo de Los Chikos del Maíz, todo isto conectado coa idea inicial do proxecto: “que incluíra todas as xeracións”. 

Non é a Galiza, tradicionalmente, terra de tenistas. A meteoroloxía complica o mantemento das pistas da omnipresente terra batida, polo que os novos talentos como Jessica Bouzas (Vilagarcía, 2002), a tenista galega máis prometedora, vense obrigados a facer as maletas para medrar no deporte que aman.

Miguel Varela é o actual presidente da Asociación Cultural e Musical Herba Grileira, a impulsora do disco As músicas da Terra de Melide no que se pon melodía a algúns temas recollidos no volume editado polo Seminario de Estudos Galegos. Varela aborda o xurdimento deste proxecto así como o proceso de gravación coa finalidade de facer, como el di, “unha representación do que hai na obra orixinal”.

A Feira Internacional de Turismo de Madrid (Fitur) acollerá os Plans de sustentabilidade turística en destino de Os Fogóns do Anllóns e das Fragas do Eume. Xosé Regueira, vicepresidente da Deputación da Coruña e responsábel da área de Turismo, será quen encabece a presentación de ambas as iniciativas.

Iago Varela, enxeñeiro, vén de autopublicar o seu primeiro libro, A rebelión dun buda: e as chaves da última realidade. Varela aborda o proceso que o levou a escribir esta obra, así como os beneficios que ve na filosofía oriental que, como di, "cría que sería capaz de axudar moita xente". 

Clara Pino, música e docente, chega á poesía co seu primeiro libro, Fenómeno fan (Editorial Elvira). Pino aborda o proceso de creación conxunta entre os seus textos e as pinturas de Xavier Magalhães nunha obra que reflexiona sobre o fanatismo, achegándose tamén a outros temas porque, como ela di, “é un libro moi intimista e que poeticamente falando ten moito de denuncia social e de feminismo”.

Etceteramente (Xerais), a nova obra de Xelís de Toro, é un artefacto literario difícil de clasificar. A antinovela, quizais, como alguén a definiu, ou, en calquera caso, unha mostra dunha escrita pouco convencional, mesmo despois da novela experimental do século pasado. Nela, un escritor, Alfa Beto, tenta crear unha obra sublime para fuxir do desasosego, do baleiro, dun mundo difícil de habitar marcado, entre outros problemas, pola especulación urbanística. Desentrañamos co autor algunha das claves deste libro.

Xabier Groba, membro do Clube Espeleolóxico Maúxo, e Alba Cid, poeta, están detrás do libro Tesouro espeleolóxico galego (A Central Folque). Groba e Alba abordan cadanseu papel no volume así como a importancia de recoller estes datos que van, como din, “desde o interese natural ou xeolóxico até o histórico ou etnográfico”.

Lucía Aldao, poeta e artista, vén de publicar PAVA2, un disco que dá continuidade ao que xa lanzara o pasado ano, PAVA. Aldao aborda as dificultades dos tempos nos traballos creativos, especialmente en relación coa economía e a exclusividade, así como a intención “de poder levar os nove temas ao directo no 2023”. 

Flora Miranda é médica e unhas das mulleres que participa no grupo que promoveu a escolla da palabara 'Comadre' como palabra do ano 2022.

Coa inflación, os problemas derivados da morosidade e dos atrasos nos pagamentos son cada vez máis acusados nos traballadores e traballadoras por conta propia. 'Nós Diario' aborda esta problemática con Jesús Diéguez, secretario xeral da Asociación Galega de Traballadores Autónomos e do Mar (Agtamar).

Brais Morán pon a voz e a guitarra na súa banda, Nasaufunk, coa que pretende introducir os ritmos disco e funky no panorama actual da música galega. Morán aborda connosco as súas influencias, así como un futuro disco co que agarda conquistar o público, pois, como el di, "ao final é o que fago eu: música para bailar".

Jimena Andión, Yamini Teresa Prabhu e Laura Lorenzo son as integrantes de Samudra Trío, un grupo de música clásica que vén de publicar o seu primeiro traballo, Odisea. Andión, Prabhu e Lorenzo abordan as dificultades que presenta a industria musical ante o xénero clásico, mais tamén das que atopan na academia como mulleres novas coa idea de introducir compositoras non europeas nas súas referencias, xa que, como elas din, “aínda queda moito traballo por facer”. 

Antón Cortizas, docente e escritor, foi galardoado co Premio Arume polo seu poemario Os versos da mariola, onde mestura os seus coñecementos sobre o xogo tradicional cos versos e as rimas. Cortizas aborda as particularidades deste tipo de xogos así como as consecuencias da perda do que é, como el di, "unha forma natural do desenvolvemento humano". 

Fernando Castro Paredes, profesor e escritor, foi galardoado co Premio Álvaro Cunqueiro pola súa peza teatral O traxe, onde combina técnicas propias do monólogo cun ritmo áxil e a presenza do humor negro. Castro Paredes reflexiona arredor da construción de historias e personaxes así como dos certames literarios defendendo que “gañar un premio é unha improbabilidade estatística”. 

Ariadna Silva, fotógrafa, pon a súa mirada detrás de Friccións, un proxecto no que pretende capturar as pegadas que deixou o Prestige nas rochas das praias galegas. Silva aborda os pasos e a documentación que hai detrás da toma das imaxes así como as dificultades das novas xeracións para coñecer a catástrofe, algo que, baixo o seu punto de vista, “denota moitas cousas”. 

'Nós Diario' achega a partir da próxima terza feira, 3 de xaneiro, un novo coleccionábel de 17 entregas titulado 'Fortalezas esquecidas do Reino da Galiza. Un percorrido arquitectónico e histórico polo patrimonio civil medieval'. Conversamos co seu autor, Héitor Picallo, sobre as urbes amullaradas, fortalezas, torres e castelos do país, moitos deles desaparecidos.

Aurora Marco, catedrática xubilada, foi galardoada antonte co Premio de Investigación e Ensaio Ramón Baltar Feijóo pola súa obra Irmandiñas. Marco aborda a invisibilización do papel das mulleres no movemento das Irmandades da Fala, así como a necesidade de recuperalo, xa que, como ela di, “o invisíbel tamén ten historia”.

Inma López Silva, escritora, recolle no seu último libro, 'Quen non ten un avó fascista'? (Galaxia), a historia política da Galiza da segunda metade do século XX a través dun relato entre a memoria familiar e a ficción. Así, López Silva aborda os segredos familiares, os silencios e os mecanismos de supervivencia xa que, como ela di, “o medo realmente marcou as vidas da maior parte da xente, as historias de retagarda son así”.