entrevista

O economista Xosé Díaz (Ferrol, 1944) vén de dar ao prelo o seu novo traballo sobre o impacto na Galiza do actual sistema de financiamento. O volume, publicado por Edicións Laiovento baixo o título de Autogoberno e sistema de financiamento. O papel da nación galega, recolle as análises dun dos máximos expertos na materia en relación coa succión do excedente xerado na Galiza, onde o sistema de financiamento xoga un papel chave.

María Solar (Santiago de Compostela, 1970) vén de publicar 'Adeline' (Xerais), novela finalista do premio Jules Verne da editorial e que trae a historia de Carmilla ao contexto galego actual.

De Dumbría (Finisterre) procede un dos maiores talentos galegos da actualidade no mundo do voleibol, Unai Larrañaga (2000), quen vén de levantar a Copa do Rei co Guaguas das Palmas de Gran Canaria, o conxunto máis poderoso do Estado, ao que sustenta co seu poderío desde a posición de líbero.

Blanca Paula Rodríguez (Compostela, 1973), licenciada en Dereito e Historia, é a autora do ensaio 'Catro exemplos da ‘arte dexenerada’ galega fóra da España saudábel', onde recolle as confluencias de Maruxa Mallo, Eugenio Granell, Luís Seoane e Manuel Colmeiro e que foi galardoado co Premio Manuel Murguía de Ensaio, outorgado pola Deputación da Coruña.

Oiane Sagasti (Bilbao, 1981) visita Galiza este sábado para participar nas XXI Xornadas das Mulleres que a CIG-Ensino e a Asociación Socio-Pedagóxica Galega organizan con motivo do 8-M. A directora vasca, autora da docuserie 'Xeración porno', coproducida por Shine Iberia, ETB e TV3, afondará na relación da xente moza coa pornografía e no impacto que esta industria está a ter na súa vida sexual.

Carlos Portela (Vigo, 1967) é o guionista de Contrition, a banda deseñada galardoada co Premio Fauve Polar SCNF no Festival de Angôuleme. A obra, ilustrada por Keko, aborda cuestións como a reinserción dos delincuentes sexuais, a orixe deste tipo de condutas e a protección da infancia. 

Nunha época remota, a maxia constituía un sinónimo de coñecemento e sabedoría. Ao longo da historia, diferentes civilizacións configuraron todo tipo de ritos que buscaban controlar fenómenos alleos á vontade do ser humano. O dúo Caamaño&Ameixeiras desenterra parte deste legado milenario no seu novo traballo ‘Quitar o aire’. Estas dúas músicas regresan acompañadas dos seus instrumentos cun disco moi persoal que fala de erotismo e tradición, desde a admiración polo patrimonio antropolóxico galego.

Ramón Mariño (Xove, 1972) é o autor de Fanzines en Galiza. Unha breve e intensa historia da autoedición galega, un libro publicado por Laiovento que busca recoller o percorrido deste tipo de obras na década de 1990 e comezos do século XXI.

Xoán Pastor Rodríguez (Xuño, Porto do Son, 1973) é o director do Museo de Artes do Gravado á Estampa Dixital, situado en Ribeira (comarca do Barbanza). A institución vén de ser galardoada co Premio da Cultura Galega na categoría de Artes Visuais.

A venezolana Mariana Romero (A Guaira, 1995) é unha das pezas chave do CRAT da Coruña, o único conxunto galego na elite do rugby estatal. Xa totalmente recuperada dunha gravísima lesión que requiriu numerosas cirurxías, lidera dentro e fora do campo un grupo que opta a levantar a Liga cinco anos despois.

Javi Maneiro (A Pobra do Caramiñal, 1973), un dos fundadores de Heredeiros da Crus, está a piques de rematar a xira de "Un bonito despertar", o seu traballo en solitario. O fechamento da xira será este sábado, 2 de marzo, no Teatro Principal de Pontevedra, mais estes temas aínda terán o seu percorrido nos meses de verán.

Cristina Gayoso (Santiago, 1998) é unha das actrices protagonistas da obra 'Definitivamente as Bahamas', levada á escena pola compañía Teatro do Eléctrico en Portugal para cuestionar as relacións de poder que se dan a distintos niveis na sociedade actual.

Ana Miranda, deputada no Parlamento europeo do BNG, desprazouse esta fin de semana á área fronteiriza de Rafah, cidade localizada no sur de Gaza, nos lindes con Exipto, amais de visitar. tras sete horas en coche, o aeroporto de al Arish, polo que entran os convois de axuda humanitaria que obstaculiza Israel. Desde ese lugar conversa con 'Nós Diario' da situación do pobo palestino e das dificultades de que lle chegue a axuda humanitaria.

Antón Lopo (Monforte de Lemos, 1961), coordina o recital O atrevemento na voz dos versos, que decorre hoxe no marco do VI Festival Rosalía en Santiago de Compostela, organizado pola Deputación da Coruña en colaboración co Concello da capital. Este evento conta coas voces de Nuria Vil, Rosalía Fernández Rial, Sol Mariño e Lúa Mosquetera.

Tras os éxitos de 2023 a vida xa non é a mesma para Martín Mondragón (Teo, 2000), 'Mondra'. Con oito anos, a asociación cultural Rosalía de Castro de Cacheiras achégao á súa primeira pandeireta e comeza a debuxarse o seu camiño. Máis tarde, é a agrupación A Ponte Vella a encargada de continuar tecendo nel o afecto pola música tradicional. Non é até 2020 que chega a súa primeira oportunidade profesional coa compañía de danza Fran Sieira. Baile, imaxe e son; electrónico e tradicional, que se mesturan nun proxecto, o do seu disco, ARDĒN, un traballo no que fala dos coidados e reivindica as disidencias a través dun espectáculo que chama á liberdade, á festa e á loita. 

Nuria Vil (Vigo, 1993), recitadora; Vero Rilo (Mugardos, 1984), narradora oral, e Mónica de Nut (Oia, 1976), música, presentan Indóciles, un proxecto multidisciplinar que pretende achegar o legado e a voz de Luísa Villalta ao público. A súa preestrea foi esta quinta feira en Arcade (Soutomaior) e hoxe estrearase no Festival Rosalía de Compostela (20.30 horas).

'Nós Diario' conversa con Xabier Pombal, doutor pola Universidade de Santiago de Compostela e un dos maiores investigadores das turbeiras da Galiza, sobre a situación actual dos eólicos na serra do Xistral.

Elena Cristóbal (Bilbo, 1965), é a directora da escola de arte ECO, que este ano chega ao seu 20 aniversario. Cristóbal aborda o percorrido da escola e algúns dos obxectivos que se foron marcando ao longo deste tempo.

Carmela Sánchez Carreira asina xunto a José Manuel Amoedo o traballo de investigación 'Os efectos iniciais da Covid-19 nas desigualdades de renda na Galiza e a súa distribución na sociedade', galardoado co Premio Valentín Paz Andrade de Economía; un traballo con implicacións políticas e sociais que  achega coñecemento ás políticas públicas.

Suso Coba, máis coñecido como 'Suso do Dezaseis' é o dono do Dezaseis, un respectado estabelecemento hostaleiro compostelán de case 30 anos de historia. O próximo 23 de febreiro, día dedicado na Galiza á conmemoración de Rosalía de Castro, Coba será, xunto coa cantora Uxía Senlle, quen elaborará na Casa-Museo da emblemática poeta o Caldo de Gloria. Unha actividade impulsada pola Fundación Rosalía de Castro para homenaxear a autora desde o mundo gastronómico.