exposición

A tenda-obradoiro de Casal de Creación propón un encontro co proxecto da Guarda.

Baixo o comisariado do especialista en arte contemporáneo Juan de Nieves, unha exposición aborda de maneira simultánea todos os campos traballados polo artista coruñés, da arte máis recoñecida ao deseño de obxectos cotiás.

A Porto Biennal Design, talvez o maior evento de deseño da península Ibérica, escolleu Galiza como país invitado na súa edición de 2023. A exposición Galiza. Processos e Formas, comisariada por David Barro, interrógase sobre a existencia dun deseño propiamente galego, ao tempo que explora a potencialidade dos relatos identitarios para converter a creatividade en motor de progreso e de resposta aos desafíos do futuro.

A sala Alterarte, da Universidade, expón a mostra 'Clinamen'.

O Centro Galego de Arte Contemporánea exhibe, até o 14 de xaneiro de 2024, Implosión: Arte Conceptual na colección CGAC (1965-1975), unha mostra que recupera o traballo dunha serie de artistas para reconsiderar a forma en que o seu traballo contribuíu a modificar as relacións entre institucións, arte e artistas, e mesmo a transformar a propia idea de arte.

A Fundación Didac inaugurou esta quinta feira en Compostela 'A Cociña de Barro. Os cadernos de deseño', unha mostra que dá conta da intimidade do proceso creativo do deseñador Pepe Barro, observada a través duns 66 cadernos dos que abrollaron as ideas da traxectoria profesional dun dos artistas máis representativos do grafismo galego.

Beatriz S. Sáa pon en marcha a exposición 'Entre presenzas e ausencias' no Centro Sociocultural de Vite (Santiago de Compostela) coas obras realizadas no seu programa de didáctica artística involucrando tanto doentes de Alzhéimer como as súas coidadoras.

Hai pouco mostraba a súa visión do bodegón no Museo de Pontevedra. Agora, Xulio Gil dirixe a súa mirada ao retrato, mais non a un retrato calquera: á fotografía das persoas -moitas veces amigas- que, coma el, dedican a súa vida á creación. Un ollar sobre o ollar doutros que nos mostra en branco e negro a imaxe dun tempo crucial para a plástica galega. 
 

Alberto Ruiz de Samaniego, doutor en Filosofía e profesor de Estética e Teoría das Artes, é o comisario da exposición Juan Carlos Meana. O espazo entre as cousas (Museo de Pontevedra), nacida como “unha homenaxe a toda a súa carreira como artista, como docente e como mais como compañeiro”.

A Casa Museo Casares Quiroga acolle a exposición fotográfica 'A invasión galega da Movida Madrileña nos ollos de Marivi Ibarrola' desde mañá 31 de agosto ata o 4 de outubro.

Antón Sobral inaugura 'Ardentías, xerfas e silencio'

A exposición 'Arredor do debuxo' presenta no Museo do Gravado de Ribeira, até o 31 de agosto, unha completa panorámica da relación de Manuel Quintana Martelo co debuxo, e ofrece as claves para comprender a singularidade da súa obra, que xorde da reflexión sobre o papel da figuración na arte contemporánea. 
 

Naceu no ano 340 e foi executado aos 45 anos de idade na cidade de Tréveris (na actual Alemaña) acusado de "danzas nocturnas, rituais máxicos e práctica de astroloxía cabalista", entre outras. Prisciliano da Gallaecia converteuse así no primeiro 'herexe' do catolicismo, torturado e decapitado polos seus 'delitos' deixando unha pegada que perdura aínda até a actualidade.

Por primeira vez, a Fundación Laxeiro de Vigo expón sete obras datadas a finais dos anos vinte e principios dos trinta, que mostran a mirada dun Laxeiro adolescente decidido a ser artista. Estas obras ilustran como un Laxeiro aínda mozo aprendía a pintar e a debuxar a partir do seu territorio visual máis inmediato. 
 

Na Cidade da Cultura, en Compostela, pode verse, até o 5 de novembro, a exposición Nicolás Muller. Vento Norte, que presenta 131 imaxes dun dos fotógrafos húngaros que deron vida á fotografía social a partir do período de entreguerras. As obras inclúen varias instantáneas tomadas na Galiza na década de 1960, que permiten reconstruír a vida da clase traballadora naquela altura.

O Consorcio de Santiago inaugura a exposición 'Lorca en Compostela', que reúne na Casa do Cabido máis de oitenta documentos e pezas, algún deles nunca exhibidos. Será a primeira vez que se mostren conxuntamente ao público elementos que revelan a fondísima relación do poeta andaluz coa capital, a lingua e a cultura galega.

As obras premiadas e finalistas no certame Novos Valores que convoca a Deputación de Pontevedra poden verse agora nunha exposición, no Museo Provincial, que permite albiscar a forma de interpretar o mundo dunha nova xeración de creadoras que se moven entre o relato do propio mundo e a creación de ficcións que o expliquen, entre a expresión de preocupacións persoais e a reflexión sobre as cuestións máis apremantes para a sociedade.