feminismo

Máis unha vez, o movemento feminista galego fixo este 25 de novembro unha demostración de forza contra as violencias machistas, presentes en "todos os ámbitos", e fronte a unha "xustiza patriarcal" que "dubida máis da vítima que do agresor".

José Fernando Lousada Arochena (Montevideo, 1963) é maxistrado da sala do social do Tribunal Superior de Xustiza da Galiza, docente e escritor cunha ampla traxectoria feminista. É autor do libro 'O axuizamento de xénero' e do traballo 'Doenzas profesionais en perspectiva de xénero', premio de Investigación da Aula de Igualdade e Xénero Lola Martínez da Universidade de Castela-A Mancha (UCLM)

A Galiza acolle mobilizacións e actos impulsados polo feminismo e outras institucións

Só 8% das mulleres que sufriron violencia sexual fóra da parella denuncian, lembran desde o Colexio Oficial de Traballo Social da Galiza. As que non se atreven fano por medo, indefensión e vergoña. Con motivo do 25-N a entidade reclama formación e reflexión, ademais de reivindicar o papel do acompañamento e do apoio social.

Ximena González (Bos Aires, 1979) é activista da Marcha Mundial das Mulleres, un movemento internacional á procura dunha transformación radical da sociedade, en chave feminista e anticapitalista. Este 20 de novembro a coordinadora galega da Marcha desenvolve na Estrada o seu encontro nacional.

Karina Ochoa (Cidade de México, 1975) é unha escritora, académica, feminista e activista mexicana especializada na problemática colonial. Esta cuarta feira reabriu en Compostela o ciclo 'Diálogos desde a periferia', promovido pola Fundación Galiza Sempre en colaboración con Coppieters Foundation. 

A artista comparte un galardón que recoñece a súa "loita pola igualdade" coa Federación de Asociacións de Mulleres Rurais da Galiza (Fademur), o Foro Feminista de Lugo, Xeracción Sociedade Cooperativa Galega e Paloma Rodríguez.

Cando María Xosé Queizán chega a París a comezos dos anos 60, xa descubrira o pensamento galeguista e de esquerdas a través de Antón Beiras e xa entrara en contacto con algunhas das figuras máis destacadas da súa xeración. Tamén coñecía o existencialismo, mais será na capital francesa onde remata por descubrir a obra de Jean-Paul Sartre e de Simone de Beauvoir e onde queda fascinada polo Nouveau Roman. Desa modalidade narrativa xorde a súa primeira novela, A orella no buraco, escrita entre Tenerife e Lugo e publicada en Galaxia en 1965.

A XVII Asemblea do BNG que decorrerá o próximo 7 de novembro no Coliseum da Coruña servirá, ademais de para renovar os seus órganos de dirección con Ana Pontón á cabeza, para actualizar o seu ideario político e organizativo. Neste último caso, os nacionalistas apostaron por incluír un protocolo de actuación para previr violencias machistas no seo da organización, que poderán chegar a sancións -as recollidas estatutariamente xa, inclusive a expulsión da organización- se así o determina a comisión de garantías.

‘Unha soa voz’ de Rosalía Quiroga Trasorras é a fotografía gañadora desta VIII edición do galardón

Un grupo de rapazas e mulleres do concello de Cerdedo-Cotobade veñen de fundar a asociación Voces Matrias, un colectivo feminista que conta coa pretensión de “promover a igualdade real entre mulleres e homes a nivel local”. As súas fundadoras, Lucía García, Lucía Aguete, Esther Vázquez e Chus Vázquez, contan con diferentes idades e formacións, mais defenden un obxectivo común: pular polo feminismo e a igualdade no concello ante a falta de iniciativas públicas.

Baixo o lema 'Feminismo para transformar a vida', terá lugar o vindeiro 20 de novembro.

A libraría Lila de Lilith, Santiago de Compostela, vén de facer o seu décimo aniversario esta semana. O proxecto de Patricia Porto e Mon Vilar é un referente do movemento feminista na Galiza. Especializada en obras de autoras, a libraría oferta obradoiros e presentacións de libros vencellados co feminismo e coa igualdade. Xogou e segue a xogar un papel moi importante na evolución do movemento feminista na capital galega e no país. Ambas as dúas foron evolucionando xuntas desde o nacemento 
da libraría.  

Instagram eríxese como unha das redes sociais máis exitosas e con grandes potencialidades para transmitir contidos de diversos ámbitos. Cun crecemento expoñencial nos últimos anos, moitas persoas aproveitan para dar a coñecer as súas paixóns e ofrecer coñecemento. Na Galiza consolídanse proxectos que teñen en común a querenza pola lingua e a necesidade de falar con proximidade e paixón de libros, arte, historia, cinema… Existe un gran talento e hoxe damos a coñecer as contas de @surfeandolibros, @littera_lupa, @libroscontos, @oarquivodastrasnas, @mulleresgalegas, @pingando.gal e @aspaxinasdesara.

O concello de Bueu, a través da súa Concellaría de Igualdade, vén de elaborar e estrear un xogo de mesa que trata sobre a igualdade, destinado aos centros educativos da vila. Esta iniciativa está inserida na liña de colaboración estabelecida entre o Goberno local e a comunidade educativa de Bueu. O xogo foi deseñado pola empresa Andamiaxe con cargo aos fondos do Pacto de Estado Contra a Violencia de Xénero do ano 2020. O xogo busca “erradicar o sexismo na sociedade e previr as violencias machistas”.

A directora de 'Nós Diario', María Obelleiro, moderou unha das mesas de debate da primeira xornada do evento.

Aranxa Vicens é unha activista antirracista do colectivo Resistencia En Terra Allea. A asociación está enfocada cara ao acompañamento de persoas migrantes en Compostela, á pedagoxía decolonial e á reivindicación dos dereitos das migrantes. A entidade acaba de pór en marcha unha escola antirracista, un proxecto que se desenvolverá na casa comunitaria Aluande e que ten como obxectivo principal “educar sobre colonialismo e colonialidade, feminismos non hexemónicos e fraxilidades brancas”.

Consideran que a decisión do xuíz  "permite que as mulleres sexan violentadas nas rúas e revictimizadas nos xulgados".