fotografía

O novo proxecto expositivo do Colectivo Ollo de fotografía, 'Lume. Imaxes dunha terra que arde', abre unha reflexión sobre as causas e as consecuencias dos incendios forestais nos montes galegos. Trátase dunha mostra de rúa conformada por imaxes instaladas en paneis que vén de ser inaugurada en Ourense e que poderá verse até o próximo 2 de xullo.

Unha exposición en Compostela, comisariada por Antón Reixa e Xosé Luís Canido, investiga a pegada deixada pola Galiza na obra de 50 autores universais como García Lorca, John Berger, Stephan Zweig, Miles Davis, David Chipperfield ou Sebastiao Salgado.

O espazo Solaina de Lugo exhibe o proxecto @streetviewCompostela.

En maio de 2021, os prestixiosos antropólogos Gustav Henningsen e Marisa Rey doaron ao Museo do Pobo Galego o seu valioso arquivo fotográfico. Como agradecemento ao matrimonio, esta institución organizou a mostra titulada 'Co sentido do común. Homenaxe a Gustav Henningsen e Marisa Rey', que estará aberta até o próximo 30 de abril do presente ano. A exposición busca a reflexión das persoas espectadoras sobre a relevancia do traballo comunitario, tan característico da sociedade tradicional galega, principalmente no medio rural.

Adiántase a publicación da revista cultural de 'Nós Diario' polo descanso da prensa, que non sairá o sábado.

José Gestal, 'Cardoña', foi un deses fotógrafos populares que percorrían as aldeas creando un arquivo de imaxes que hoxe nos permite coñecer unha parte do que fomos no pasado. O Centro Ágora da Coruña acolle a estrea do documental 'Cardoña, fotos a 7 pesetas' que, dirixido por Carlos Lorenzo, relata a súa historia e permite coñecer os pormenores do oficio dos fotógrafos que traballaban no rural galego.

Adra Pallón, fotógrafo documentalista, vén de recibir o Premio Galicia en Foco pola súa serie Cinza e lume. Pallón relata nesta entrevista a problemática dos lumes en relación co despoboamento. Advirte de que “hai toda unha base sociolóxica que tampouco podemos esquecer”.

Xulio Gil é un fotógrafo que entende o seu traballo como unha expresión artística que non admite desvíos: Premio da Crítica da Galiza das Artes Plásticas, en 2013, foi un pioneiro en tratar a fotografía como unha máis das Belas Artes. Coñecido como retratista e por libros como Vigo, fronteira do Alén, con textos de Ferrín, ou Tigres coma cabalos, realizado con Xela Arias, a súa obra explora terreos aparentemente contraditorios, aínda que unha mirada atenta descobre unha unidade conceptual que agora se exhibe na exposición Símbolos do conflito, no Museo de Pontevedra. 

A obra Facedores de imaxes. Fotografía e sociedade en Vigo. 1870-1915 (Galaxia, 2022) condensa entre as súas páxinas o relato en forma de crónica dunha parella -Filippo Prósperi e Cándida Otero- pioneira na fotografía da cidade olívica. O seu autor, Vítor Vaqueiro (Vigo, 1948), realizou un laborioso traballo de case dez anos de investigación achegando imaxes inéditas e documentación coa intención de difundir un legado que quedou agochado tras a sombra da traxectoria doutro gran fotógrafo: Pacheco.  

No novo número do semanario analizamos tamén Rosendo Salvado, ‘o defensor dos sen alma’, e o traballo de Filippo Prósperi e Cándida Otero que Vítor Vaqueiro condensou na obra 'Facedores de imaxes. Fotografía e sociedade en Vigo. 1870-1915'.

A sede da Fundación Barrié, na Coruña, acolle en primicia para o Estado español a exposición Proxecto Polaroid: Na intersección da arte e a tecnoloxía, máis de 300 pezas, entre as que se conta material gráfico elaborado con toda gama de papel e películas Polaroid e coas que se abarca unha produción artística que vai desde a década de 1940 até a actualidade.

O Museo Etnográfico de Ribadavia exhibe, até o 31 de marzo, dúas placas de estampas do proxecto 'Visite Galicia' que, na primeira metade da década de 1930 e até o golpe de Estado de 1936, pretendía difundir os valores do país e que poderían constituír o primeiro arquivo fotográfico que contén unha visión xeal da Galiza. 

Os seus nomes apenas son coñecidos e da súa obra apenas sobrevivíu unha pequena mostra, mais Filippo Prosperi e Cándida Otero foron nomes ilustres da fotografía na Galiza no último terzo do século XIX. Vítor Vaqueiro recupera a súa historia no seu libro Facedores de imaxes (Galaxia). 

Ariadna Silva, fotógrafa, pon a súa mirada detrás de Friccións, un proxecto no que pretende capturar as pegadas que deixou o Prestige nas rochas das praias galegas. Silva aborda os pasos e a documentación que hai detrás da toma das imaxes así como as dificultades das novas xeracións para coñecer a catástrofe, algo que, baixo o seu punto de vista, “denota moitas cousas”. 

O gañador do X Premio Galiza de fotografía Contemporánea, Joan Alvado, inaugura na Sala de Exposicións do Pazo de San Marcos de Lugo a obra gañadora, titulada "Os batismos de meia noite". 

Ramón Ocaña foi o fotógrafo de Cangas durante o século XX. O seu traballo documentou a vida social e política da vila durante aquela época, nunhas fotografías que a Asociación Cultural A Cepa rescatou e puxo á disposición da veciñanza no monográfico titulado Ramón Ocaña, o fotógrafo de Cangas
do século XX.

Vanessa Casteleiro, fotoxornalista, é unha das fundadoras de Ollo, un colectivo fotográfico multidisciplinar recentemente creado para contar e divulgar historias a través da imaxe. Casteleiro aborda a creación de narrativas e o compromiso coa sociedade e coas mulleres, entre outros, xa que como ela di “decidimos que tiñamos un traballo pendente”.

Recolle dúas series, unha de imaxes en branco e negro de edificios seminais da arquitectura do século XX, e outra con fotografías en color dos poboados de colonización que proliferaron a mediados do pasado século,

Se falamos de fotografía en Redondela falamos dos Cal. Tres xeracións traballaron esta arte de maneira autodidacta chegando a profesionalizarse e a transformar a súa paixón en algo constante ao longo de toda a súa vida. Agora a cooperativa Cal-3, nome actual do proxecto que mantén viva a chama desta familia, presentará este mes un libro sobre o seu legado que abrangue máis dun século e que retratou, principalmente, a vida e as xentes dese municipio da ría de Vigo. Catro foron os protagonistas desta saga familiar de fotógrafos: Saturno, Avelino, Mundo e Félix Cal.