música

Un estudo pioneiro estima en 227 millóns de euros o impacto económico da actividade musical na Galiza. Segundo o documento, cada euro investido en música polas administracións multiplícase por tres. O estudo aconsella mellorar as condicións laborais das traballadoras, o fomento de novos talntos e o deseño de políticas públicas que definan estratexias culturais que integren a música co turismo e outras áreas.

A área de Cultura da Deputación da Coruña seleccionará oito proxectos: catro do eido da música e outros catro de literatura e pensamento.

Como é habitual, cada mes contarase coa colaboración dunha agrupación invitada.

Esta quinta feira chega ás libraría galegas 'Somos un pobo de artistas. O método Luísa Villalta' (Xerais, 2024) de Xurxo Souto. A obra defende a relación entre poesía e música ao longo da historia ademais de rescatar importantes figuras da música popular.

O CGAC programará, entre xaneiro e maio, este proxecto innovador que busca achegar a música contemporánea e de vangarda a todos os públicos.

O espectáculo que recupera instrumentos gregos, romanos e célticos e que foi gravado nos estudios Abbey Road de Londres, visitará Ferrol, Ourense, Compostela e Lugo.

O Museo Reina Sofía de Madrid vén de publicar Abellón, unha peza audiovisual de Xoán-Xil que se insire no proxecto do mesmo nome e que indaga na relación das abellas e a morte na cultura popular galega, ligándoa con prácticas doutras xeografías.

Fillas de Cassandra vén de pendurar o cartel de "entradas esgotadas" para a presentación no seu novo directo, Últimas Dionisíacas, que terá lugar o 16 de febreiro no hall do Auditorio Mar de Vigo. En menos de 10 días, o dúo conformado por María Soa e Sara Faro vendeu os 1.400 billetes dispoñibles para a cita; o que dá boa conta do momento que está a vivir o grupo, a gran revelación da escena musical do pasado 2023.

Últimas Dionisíacas é a nova proposta escénica e musical de Fillas de Cassandra, na que as artistas farán unha revisión dos temas máis recoñecidos do seu primero LP, Acrópole, desde unha electrónica máis escura e potente; ademais de recuperar algúns dos sinxelos publicados nos últimos meses e avanzar outros inéditos para o público.  

Os concellos de Ames, Carballo, Pontevedra, Santiago de Compostela e Teo impulsan este proxecto de dinamización lingüística que se presentou esta sexta feira en rolda de prensa no Pazo de Raxoi.

Barco á deriva é o nome do novo sinxelo que anuncia a cantautora MJ Pérez para a vindeira semana. O disco estará dispoñíbel o día ás 00 horas en todas as plataformas, mais o día antes, en Chantada, a quinta feira día 18, ás 20 horas, terá lugar unha proxección en exclusiva e anticipada da canción e o videoclip, unha peza audiovisual moi especial gravadaintegramente na Ribeira Sacra. 

O acto de presentación decorrerá no Café Cantón, con entrada libre, e constará dun coloquio que dirixirá a xornalista Guada Guerra, a proxección do videoclip e a interpretación directo dalgunhas pezas por parte da propia artista. 

O festival celebra este ano o seu décimo aniversario.

Belém Tajes é cantante, compositora e especialista en musicoterapia. A artista vén de publicar 'Arou'79', o primeiro sinxelo do seu novo disco que chegará en abril. Neste tema, Tajes parte dunha gravación da súa avoa cantando en Arou, no concello de Camariñas (Terra de Soneira) no ano 1979, e que foi rexistrada por Dorothé Schubarth, a musicóloga suíza que contribuíu enormemente á recollida e recuperación do patrimonio musical galego. Con este single, Tajes homenaxea a súa avoa e Schubart, mais tamén a música e as expresións artísticas tradicionais da Galiza.