música

Perto de catro mil asistentes visitaron os oito concellos da área metropolitana da Coruña para gozar dun vibrante escenario cun gran elenco de artistas femininas.

A oboísta Iria Folgado tende unha ponte musical entre as illas británicas e a Galiza no seu primeiro disco, Ecos de Breogán, que explora parentescos entre os dous territorios a través de pezas de Britten, Maconchy, Vaughan Williams, Arnold Bax e Fernando Buíde.

Galaxia publicará a finais de xaneiro A música dos Valladares. Retratos de familia, de Pablo Bernárdez e ilustracións de Hortensia Fernández.

Rosi Mella (As Neves, O Condado, 1996), máis coñecida baixo o nome artístico de Temible Olivina, é a DJ do grupo de rap Flow do toxo, mais tamén vén de comezar a súa carreira como cantante en solitario tras o lanzamento do seu primeiro tema, Esterco.

As celebracións polo solsticio de inverno, logo cristianizadas, e as boas novas para as casas labregas estarían relacionadas coa tradición de ir cantar polas casas solicitando o aguinaldo, entoando panxoliñas, xaneiras, aninovos para a fin de ano, e cantares de Reis ou aguinaldos para onte e hoxe.

'Game Boy' mantén a liña retranqueira da banda.

Ten como obxectivo fomentar e darlle visibilidade á actividade artística da comunidade universitaria da Universidade.

Nestas 'Últimas Dionisíacas', Fillas de Cassandra revisitará os temas máis recoñecidos de Acrópole, o seu álbum debut, desde unha electrónica máis escura e potente, mais tamén dará a coñecer temas inéditos que formarán parte do seu próximo LP.

Miguel Mosqueira (Lalín, 1982) é un dos integrantes de Ataque Escampe, que estará presentando o seu último LP, 'Cabalgata', na súa "Xira dos Cabaliños" con concertos dentro e fóra da Galiza até a primavera.

Tras dous videoclips, ‘Unha revolución’ e ‘Cadáver sen cabeza’, Loita Amada, o grupo liderado por Jásper, estreou esta cuarta feira nas plataformas musicais, redes sociais da banda e en formato físico o seu segundo traballo discográfico.

Amigos da Ópera de Santiago de Compostela reestrea a zarzuela 'Miñatos de vran', con música do compositor José Fernandez Vide e libreto de Otero Pedraio, recuperando así un patrimonio musical que tivo grande importancia na época das Irmandades da Fala.

O que está considerado como un dos tipo de metal máis "duro" pola intensidade do seu son, o metalcore, tamén se canta en galego. Cabodano é unha banda de Sigüeiro, no municipio de Oroso, na comarca de Ordes, que leva anos representando este estilo musical no idioma da Galiza, e este Nadal, quixeron agasallar ao seu público co tema 'A lombos dun corvo', un adianto do seu próximo disco que chegará co novo ano. Neste tema, a banda galega de metalcore fai referencia aos corvos, os soldados xaponeses de clase baixa que eran enviados á guerra nas primeiras décadas do século XX en pésimas condicións de vida. 

Defínese a si mesma como unha compositora de autoestima cultural, que cadra moi ben con ese crear continuo a partir do zume que nutriu as súas raíces durante un cuarto de século de recollida. Espallouno durante anos dando clases e, cumpridas xa dúas décadas desde os seus primeiros traballos, na escena compartida con outras mulleres. Ten claro Mercedes Peón (Oza-Cesuras, 1967) que é así, e non de xeito piramidal, como se constrúe nación, aínda que, advirte, ata a tradición pode ser efémera.

Desde hoxe está dispoñíbel Hoxe, mañá e sempre, novo tema de Tanxugueiras en colaboración con Valeria Castro. A canción, que as catro artistas estrearon en directo o pasado 16 de decembro no Coliseum da Coruña durante o concerto fin de xira das galegas, trata sobre as persoas que se van pero que, dalgunha maneira, seguen presentes nos recordos para sempre. Nas súas propias palabras, "fai referencia a que cando nós marchemos teremos que estar tranquilas, porque o vivido é suficiente, xa fixemos o que tiñamos que facer. Hai que gozar do presente, da vida, que cando marchemos xa haberá xente que nos lembre aquí para manternos vivas".

Remataron a súa xira nun Teatro Principal ateigado.