SOCIAL
Os nacementos caen na Galiza 2% até o mes de maio
19/xul./23
Se a comparativa se fai cos cinco primeiros meses de 2019, o descenso de nacementos na Galiza é de 12,3%, un punto por encima da media do Estado (-11,4%).
Galiza rexistrou 1.126 nacementos o pasado mes de abril, o que supón 2,5% máis que os 1.098 bebés contabilizados no mesmo mes de 2022, segundo datos publicados polo Instituto Nacional de Estatística (INE). Desta maneira, os nacementos crecen no país, a pesar de que a nivel estatal diminuíron 1% en abril, con 25.141 nenos. No que vai de ano, rexistráronse na Galiza 4.474 bebés, 2,1% menos que no mesmo período do exercicio previo, mentres que no total do Estado esta caída foi de 1,75%, ata 103.443 nenos.
Nos primeiros oito meses deste ano naceron 402 crianzas menos que no mesmo período de 2020. E 685 menos que entre xaneiro e agosto de 2019.
Producíronse 17.561 mortes máis que nacementos. A pandemia disparou as defuncións un 5%.