Nós

O asasinato de 26 persoas, vinte delas menores de entre 5 e 10 anos, por parte dun mozo de vinte anos nun colexio de Connecticut abre de novo o debate silenciado na recente campaña electoral americana. Case a metade das casas americanas teñen armas.

A decisión de Paradores de Turismo de realizar un ERE, pechar dous establecementos e reducir o funcionamento doutros no país causa alarma no cadro de persoal e os municipios afectados. Feijóo asegura que non ten comunicación da medida e o BNG pide explicacións no Congreso mentres @s traballador@s convocaron dous días de folga.

Marcos Cadórniga é un dos tres sindicalistas absoltos esta terza feira pola Audiencia provincial tras seren codenados cada un a tres anos e un día de prisión. O sindicalista da CIG valora como "moi positiva" a absolución, sobre todo a nivel do entorno persoal, mais lembra que "segue a haber represión sindical"

Ducias de persoas formaron no barrio vigués de Coia unha cadea humana para exixiren un incremento do gasto social nos orzamentos municipais para 2013. Baixo o lema "Polo dereito a vivir con dignidade" demandaron  que "a nosa riqueza se reparta de xeito que poidamos vivir dignamente con traballo ou sen el e que sirva para cubrir as necesidades básicas de todas as persoas"

Continuísmo. Nos rostros e nas políticas. Eis a aposta de Núñez Feijóo para a nova lexislatura. O presidente mantén o goberno de oito consellarías ocupadas polas mesmas persoas que exerceron o cargo no anterior mandato popular, agás Javier Guerra, substituído por Francisco Conde. Outra novidade: haberá vicepresidencia, e será ocupada por Alfonso Rueda, nomeamento que xa se interpreta como a designación por Feijóo do seu delfín

Os orzamentos europeos para o período 2014-2020 confrontan ás institucións comunitarias mais tamén a estas coa cidadanía. As reducións presupostarias previstas para a Política Agraria Común (PAC) suporían graves consecuencias para un medio rural galego en crise permanente, aseguran desde a Fruga e o SLG.

O BNG cualifica de "lavado de cara" o Real Decreto que o goberno quere aprobar sobre desafiuzamentos e propoñen no canto a adopción dunha batería de propostas, da dazón en pago á moratoria ou variar as taxas de demora, para poñer fin a "este drama social"

Colectivos de afectad@s polas participacións preferentes denuncian o importante descenso no procedemento de arbitraxe após os comicios do 21-O. Consideran que esta queda nas tramitacións e laudos amosan que esta vía, apoiada por bancos e Xunta, tiña como finalidade desmobilizar os milleiros de afectados e afectadas pola estafa

O presidente do goberno español, Mariano Rajoy, aproveita un acto de campaña en Catalunya para avanzar algunhas das cuestións que poderia abranguer a nova norma. Porén, esta non posuirá carácter retroactivo e non será de aplicación nos casos que xa se estean a tramitar. Aliás, o anuncio prodúcese despois da aprobación no Consello de Ministr@s dunha nova norma pola que se axilizaban aqueles desafiuzamentos por aluguer aos 10 días após a sentenza.

Os resultados das eleccións estadounidenses deixan entrever que por vez primeira na historia do país, haberá máis mulleres que 'homes brancos' nas bancadas demócratas no Senado dos Estados Unidos, rachando coa tendenza mantida no país, cuxa política semellaba estar reservada a uns poucos. Aliás, diversos colectivos estarán representados nas filas do Partido Demócrata. Porén, @s republican@s manteñen moi marcado o seu perfil conservador.

A obriga de presentar un cartón de identidade con foto e emitido polo goberno aderezada coa "desconfianza" que a cidadanía mantén cara a Mitt Romney e Barack Obama e cara ao ton negativo adoptado nas mensaxes de campaña causarán unha importante abstención. Os datos pertencen ao Centro de estudos americanos

A “Asociación proCentenario de Nós 2020” organiza o 30 de outubro, por terceiro ano consecutivo, unha xornada reivindicativa desde o 2010 cando se institucionalizou por parte do concello e a Deputación de Ourense como "festa local de interese cívico-cultural".

O Movemento polos dereitos civís e o Observatorio polos dereitos e as liberdades Esculca opóñense á pretensión do goberno español de prohibir que se capten imaxes da policía e dos antidisturbios. Amnistía Internacional constata nun informe que os métodos que empregan "non sempre cumpren coas normas internacionais"

Esta nai dunha crianza que recibe aulas no rural leva meses mobilizándose contra as políticas de recortes asinadas polo PP, a mesma formación que vén de revalidar a maioría absoluta no Parlamento galego. "As mentalidades no rural son moi difíciles de mudar"

Escritor e presidente da Asociación de Escritores en Lingua galega

O aspirante da formación socialista á Xunta de Galiza quixo asumir a baixada de escanos colleitada "como secretario xeral e como candidato". Colocou o seu cargo a disposición do partido e anunciou "un escenario de profunda reflexión" após lamentar que a cidadanía galega mesmo "nunha situación desesperada non soubese ver en nós a solución aos seus problemas"

O candidato do BNG pide o traspaso de competencias marítimas “para que non sigan a 600 quilómetros da costa” e lembra que “pode darse un novo Prestige”.

A xornada de protesta na Galiza está convocada por Liga estudantil, Comités e Agir. Falamos coa voceira e cos voceiros das tres organizacións para analizarmos que supón para o ensino galego o xugo español, e facémolo repasando declaracións de Wert. A última delas, esa intención de facer da educación un instrumento para "españolizar" as nacións sen estado.