Rácing de Ferrol

Irregular xornada futbolística para os equipos galegos. Tan só o Rácing de Ferrol foi quen de sumar os tres puntos, consolidándose así no play-off. O Lugo sumou un meritorio empate ante o Almería, segundo clasificado, mentres que, pola súa parte, tanto o Deportivo da Coruña como o Celta de Vigo e o seu filial caeron derrotados.

Celta B-Tudelano (16.30 horas), Rácing de Ferrol-Real Unión de Irún (17), Lugo-Almería (18.15), Vilarreal-Celta (18.30) e Badaxoz-Deportivo (19). Cinco partidos practicamente ao mesmo tempo que recuperan excepcionalmente os tempos de gloria dunha radio deportiva que sufriu moito o imperio das televisións.

Deportivo e Rácing de Ferrol empatan nun derbi marcado pola arbitraxe; o filial celeste suma sen baixar do autobús ante o Estremadura; o Lugo avanza cara á salvación á custa do fechancelas Alcorcón e o Celta protagoniza un partido non apto para cardíacos contra o Mallorca (4-3), gañando grazas ao espectacular papel de Iago Aspas.

O fútbol recupera 100% da capacidade nos estadios do mellor modo posíbel, cun derbi galego entre Deportivo e Rácing de Ferrol. Sen saír da Primeira RFEF, o filial celeste suma un triunfo sen xogar ante o excluído Estremadura. Na Segunda, o Lugo recibe o Alcorcón e na máxima categoría o Celta tratará de superar o Mallorca.

A escuadra lucense cae co Huesca e a coruñesa supera o Calahorra

O Club Deportivo Lugo xoga mañá ante o Huesca o máis parecido a un derbi na categoría de prata. Pola súa parte, o Real Club Celta está obrigado a pasar por enriba do fechacancelas da Liga, o Levante, misión compartida cun Deportivo que necesita finalizar a súa negativa xeira de resultados a costa do Calahorra. 

Domingo con esencia 'vintage' na terceira categoría do fútbol estatal, na que os tres representantes da Galiza disputan o seu partido o mesmo día e á mesma hora (12), algo moi pouco habitual nestes tempos e que posibilita que as afeccionadas máis nostálxicas saquen do caixón dos trastes o vello e esquecido transistor radiofónico.

Estivo ben perto o pleno de imbatibilidade dos equipos galegos na Primeira, a Segunda e a Primeira RFEF, pois o Celta venceu o Raio Vallecano (2-0) e o seu filial fixo o propio ante o do Valladolid (1-3), Lugo empatou coa Real Sociedade B (1-1), mesmo resultado que obtivo o Rácing ante o Badaxoz, pero o Dépor caeu co Irún.

O Celta regresa á acción dúas semanas despois co obxectivo de sumar tres puntos ante un rival directo na loita por Europa. O Lugo, pola súa banda, visita a casa da Real Sociedade B, penúltimo clasificado. No que respecta á Primeira RFEF, Celta B choca contra o filial do Valladolid, Rácing de Ferrol co Badaxoz e o Deportivo recibe o Real Unión de Irún.

A Federación adía 24 horas o choque entre Deportivo e Real Unión de Irún

Co Celta inactivo a causa dos choques internacionais, o Lugo, inmerso na dinámica máis positiva dos últimos anos, acaparou o foco de atención nunha xornada futbolística na que a Federación Española tomou a cuestionábel decisión de suspender os partidos de Rácing de Ferrol e Dépor por un baixo número de casos de Covid-19.

Os tres equipos galegos montados no ascensor da Primeira Federación continúan esta cuarta feira co seu traxecto. Son 19 pisos até a derradeira planta. Alá van os 19 primeiros, en que o Deportivo, por agora, gañou o dereito a saír antes que ninguén. Celta B e Rácing tamén aspiran ao ático, mesmo se no último tramo cómpre usar a escaleira de incendios.

A xornada futbolística adquire, como se dun viño se tratase, matices agridoces a medida que pasan as horas, pois o Celta deixou escapar dous puntos ante o segundo clasificado cando a vitoria parecía asegurada, caso contrario dun Deportivo que da man de Williams de Camargo superou un combativo Dux cando o reloxo marcaba o 91.

As escuadras galegas na Primeira e Segunda queren prorrogar os bos resultados da anterior xornada. Así, celestes e albivermellos aspiran a dar a sorpresa ante dous 'xigantes' como Sevilla e Girona, respectivamente. Na Primeira RFEF, pola súa banda, Dépor, Rácing e Celta B loitarán por manterse na zona nobre.

Os principais equipos da Galiza agasallaron as súas afeccións con bos resultados, coa única excepción dun Celta que caeu ante a Real Sociedade. Así, o Lugo conseguiu un triunfo vital ante un rival directo, mentres que xa na Primeira RFEF Dépor e Celta B fixéronse cos tres puntos, a diferenza dun Rácing que empatou pero escala dous postos na táboa.

Ademais, Deportivo, Rácing de Ferrol e o filial celeste regresan á acción tres semanas despois na Primeira RFEF.

A detección de 23 positivos entre xogadores e corpo técnico no Club Deportivo Lugo obrigou a adiar o seu derradeiro partido de 2021 e embazou un fin de ano futbolístico moi positivo no que o Apalpador trouxo consigo triunfos para o Celta de Vigo, o Deportivo da Coruña e o Rácing de Ferrol.

Rácing de Ferrol, Celta B, Dépor e Lugo queren facer os deberes antes da parada de Nadal

As escuadras galegas apuran a recta final da competición ligueira antes da parada de Nadal do mellor modo posíbel. Así, Celta e Lugo sumaron senllos empates ante Mallorca e Tenerife, respectivamente, mentres que na Primeira RFEF tanto o Rácing de Ferrol como o Deportivo e o filial celeste gañaron con comodidade.

A Segunda División encara a penúltima xornada antes da parada do Nadal cun duro reto para o Lugo, pois o Tenerife é un dos mellores equipos da categoría. Na Primeira RFEF, pola súa banda, o Rácing afronta un desafío non menor ante o Irún, mentres que Dépor e Celta B reciben a visita de dous rivais da zona baixa: Valladolid Promesas e Talavera.