Sanidade Pública

Verán de protestas polos recortes da Xunta nos centros de saúde.

SOS Sanxenxo denuncia que este centro de saúde "só atende urxencias" por mor da falta de facultativos, a pesar de que "na área hai máis de 100.000 persoas por turismo" e de que, "en ocasións, debe atender tamén pacientes do Grove".

Ana Pontón avanzou tamén que solicitará a convocatoria urxente da deputación permanente do Parlamento para que o presidente Alfonso Rueda "dea explicacións" pola morte dunha muller nun ambulatorio de Sanxenxo á que se lle negou a ambulancia.

A veciñanza disporá dun único facultativo os días 17 (pasado), 23 e 29 de agosto.

O líder do PSdeG afirma que a morte dunha muller no PAC de Baltar, en Sanxenxo, após denegárselle unha ambulancia "constata a nefasta xestión da Xunta".

Fontes do Sergas consultadas por 'Nós Diario' xustificaron que o traslado se demorou "dúas horas desde a chamada".

O obxectivo da área sanitaria con esta decisión é "manter unha axeitada atención á totalidade da poboación desta localidade".

O servizo tardou cinco meses en responder ao escrito e defende que o tempo que este doente pasou nunha padiola dentro da sala de observación recibiu "o mesmo tratamento" que se estivese ingresado en planta.

Case catro meses é o tempo de espera medio na área sanitaria de Vigo para someterse a unha ecografía xenitourinaria e nalgúns casos pode achegarse ao ano. Esa demora levou unha doente de infeccións crónicas de ouriños a recorrer á sanidade privada após varios meses "saltando de antibiótico en antibiótico sen máis probas" cunha doenza que se agudizou co paso do tempo.

Defensa da Sanidade Pública denuncia que o ambulatorio fechou as axendas de todo o persoal médico até final de mes malia o incremento da poboación a atender no verán por mor da grande afluencia turística.

O persoal  está chamado a participar nunha folga de 24 horas a partir das 08 horas do 1 de setembro de 2022 e até o día 2.

O Goberno galego incumpre a súa propia normativa e permite que o persoal médico da Atención Primaria teña que atender até 80 pacientes nun mesmo día, cuestión pola que o sindicato O'Mega vén de demandar á Administración perante o Tribunal Superior de Xustiza.

O Goberno galego exímese de toda responsabilidade e culpa o Executivo estatal da falta de persoal na Atención Primaria, unha especialidade na que deciden quedar menos da metade dos residentes MIR.

Galiza sitúase á cola do Estado en número de matronas. Mentres no conxunto estatal a porcentaxe de profesionais é de 18 por cada 100.000 mulleres , na Galiza cífrase en 12 por cada 100.000 mulleres

Sos Sanidade vén de lanzar unha Iniciativa Lexislativa Popular (ILP) en defensa da Atención Primaria na Galiza. A plataforma comeza a recollida de 10.000 sinaturas para pór fin aos recortes neste nivel sanitario.

As protestas do persoal intensificáronse o pasado mes por mor da saturación dos centros de saúde e hospitais da zona.

Os problemas nos servizos de Atención Primaria sucédense en toda a Galiza. Ao longo da última semana desenvolvéronse mobilizacións en diversas partes do país para protestar pola ausencia de medios humanos e materiais. A caída da calidade asistencial é un feito que denuncian usuarias.

O Ministerio de Sanidade notificou os dous primeiros falecementos por hepatite infantil de orixe descoñecida no Estado español.

As axudas públicas á sanidade privada incrementáronse un 2% en 2020, medrando nun 20% desde a chegada de Feixoo ao Goberno galego. A Xunta da Galiza achegou no exercicio de 2020 a estes operadores 209 millóns de euros, correspondéndose 129 millóns de euros con concertos cos centros hospitalarios privados.

O informe do Consello Económico Social, que vén de facerse público, evidencia que o Servizo Galego de Saúde (Sergas) está á cola do Estado en número de médicas e médicos, con 469,2 facultativos por cada 100.000 habitantes. Ao tempo, indica que a Galiza conta con 1.056 camas hospitalarias menos que no ano 2009.