Sanidade Pública

Plataformas en defensa da sanidade do Rosal, A Guarda e Oia denunciaron os feitos.

O Goberno do Estado vén de facer públicos os datos da Estatística do Gasto Sanitario en base á liquidación orzamentaria de 2020, que sitúan a Galiza á cola en investimento en Atención Primaria. Precisamente, esta quinta feira milleiros de persoas manifestáronse en Vigo contra o seu desmantelamento.

A Galiza atópase un ano máis á cola do Estado en investimento en Atención Primaria. Segundo os datos recollidos no informe anual elaborado pola Federación de Asociacións para a Defensa da Sanidade Pública, só Madrid e as Illes Balears rexistran un gasto sanitario por habitante inferior á media galega.

Enfermeiras e fisioterapeutas da Galiza concentráronse hoxe diante da sede administrativa do Sergas, en Compostela, para reivindicar unha "contratación estábel" e máis profesionais de ambas as dúas categorías.

Case 8.000 nenos e nenas non teñen na Galiza pediatra ou médico de referencia asignado. Eis unha das consecuencias da mingua do número de profesionais, que foi unha constante nestes anos, como denuncian desde colectivos de defensa da sanidade pública até as propias asociacións de pediatría.

Centos de persoas volven marchar polas rúas da vila para reivindicar "unha atención digna" en Marín e Seixo.

O informe de 2021 da Defensoría do Pobo estatal cuestiona os efectos negativos da atención telefónica aos pacientes, reclamando solucións para un sistema sanitario que cualificou de "desbordado" en varias ocasións".

Profesionais da sanidade galega e pacientes manifestáronse diante do Complexo Hospitalario Universitario de Santiago en apoio á doutora Fátima Nercellas. Persoal de sector de ambulancias manifestouse polas rúas de Compostela contra os despedimentos. O colectivo de técnicas superiores sanitarias realizou un acto para denunciar a súa situación laboral.

Milleiros de persoas marchan desde Cangas e Moaña para exixir a mellora dos servizos de saúde na comarca do Morrazo, repoñendo servizos e acabando coa precariedade laboral.

A deputada do BNG Iria Carreira preguntou no pleno do Parlamento desta cuarta feira ao conselleiro de Sanidade, Julio García Comesaña, polo expediente de sanción aberto á doutora do CHUS Fátima Nercellas após atender dous pacientes nos corredores de Urxencias e pasalos á sala de observación, unha decisión que a médica vincula á súa actividade no sindicato Omega. Nercellas responde as preguntas de 'Nós Diario' a respecto desta polémica.

O órgano de instrución inadmite as súas alegacións e entende que "os escritos dos seus superiores [da doutora] informan de que obviou as instrucións escritas e verbais" sobre o protocolo de actuación.

A situación da sanidade pública na Galiza agravouse coa chegada da pandemia. Case dous anos despois da entrada da Covid-19 no país, o persoal sanitario atópase sobrepasado. Nós Diario conversa coa responsábel da CIG-Saúde, María Xosé Abuín, para analizar como se chegou até aquí e cales serían as solucións.

Sanidade informa de que xa se superaron na Galiza as 56.000 infeccións, o que implica dobrar os casos en apenas nove días. Amais, notificou o falecemento de catro persoas.

Un domingo máis, a veciñanza toma as rúas para exixir o retorno ao municipio do servizo de urxencias, derivado a Cangas "de momento e por desgraza", e reforzos no cadro de persoal da Atención Primaria.

A comisión alude a aquelas persoas que sexan contacto estreito dun positivo polo coronavirus pero que completaran a pauta do tratamento. Iso si, representantes dos distintos territorios consideran que "deben limitar as súas actividades ás esenciais".

As organizacións sindicais integrantes da mesa da sanidade concentráronse nesta segunda feira diante do Parlamento da Galiza para protestar contra a partida destinada ao servizo de Atención Primaria nos orzamentos da Xunta para 2022.