O BNG pide explicacións para os 30 casos denunciados de persoas que non foron atendidas nos centros de saúde públicos da Galiza e reclama coñecer as medidas previstas pola Xunta para dar información ''veraz e completa'' de todos os supostos en que a atención foi negada
De xaneiro a marzo, Médicos do Mundo recolleu até 30 vulneracións do dereito de acceso á sanidade pública galega relacionados con persoas inmigrantes. Xunto co Foro Galego de Inmigración, Esculca e a Asociación sen Papeis, esta organización chama a cidadanía a facer parte dunha mobilización convocada para o domingo 27 na Coruña baixo unha proclama rotunda: 'É racismo, non é austeridade'