Consello da Xunta
Rueda, sobre a taxa turística: "Pode dar a imaxe non real dunha Galiza masificada, e non é así"
08/xul./24
O Goberno galego non se opón, de inicio, a un imposto autonómico sobre o turismo, tal e como lle reclaman concellos como o de Compostela, mais non é prato do seu gusto. Así o veu recoñecer esta segunda feira o presidente galego, Alfonso Rueda, que dixo que este gravame "pode dar a imaxe non real dunha Galiza masificada e non é así". Compostela, o Concello que remitiu á Xunta o informe coa proposta para este tributo, soporta a presión turística máis alta do Estado.