vacinación

A multinacional Janssen solicita á Axencia Europea do Medicamento a autorización para o seu fármaco. Agárdase que as e os expertos teñan un ditame sobre este medicamento no mes de marzo.

Os cinco edís do Partido Popular (PP) de Boimorto salvaron a reprobación da alcaldesa, María Jesús Novo, que se deu de baixa militante do PP logo de que se soubese que foi vacinada contra a Covid-19 cando aínda non lle correspondía.

O Colexio Oficial de Médicos de Pontevedra remitiu o expediente aberto á doutora Natalia Prego Cancelo "polas súas declaracións presuntamente negacionistas sobre a Covid-19" realizadas o pasado ano 2020, co fin de que o estude a Comisión Central de Deontoloxía Médica de España. A médica forma parte da asociación negacionista Médicos pola Verdade, á que se referiu o xefe de Alergoloxía do CHUO.

Persoal sanitario e sociosanitario que traballa cunha alta exposición á Covid asegura a Nós Diario non ter recibido aínda as dúas doses da vacina.

Na comisión parlamentaria de Sanidade acordouse repor o persoal no centro de saúde de Ribera, mais houbo enfrontamentos polos plans do PP.

Denuncian que cando o presidente da Xunta, Alberto Núñez Feixoo, afirmou no Parlamento que hai 2.000 profesionais listas para vacinar á poboación galega foi só por facer "propaganda". A representación dunha boa parte das traballadoras lembra que estas xa están asumindo máis tarefas das que lles corresponderían para facer o seguimento das pacientes en corentena nos domicilios.

A Comisión Europea recoñece que "subestimou" a capacidade de produción das farmacéuticas.

A oposición acusa a Xunta de prevaricar coa vacinación de Josefina Fernández, amiga de Alberto Núñez Feixoo e directora de DomusVi.

A recomendación vai en contra da estratexia anunciada onte polo Goberno do Estado español, que preveía reservar o fármaco para a poboación de entre 18 e 55 anos e distribuír os de Pfizer e Moderna entre a cidadanía cun rango de idade superior.

A Xunta destacara, nun primeiro momento, que non ía investigar ao facultativo porque as declaracións que fixo sobre a vacinación entraban dentro da súa "liberdade de expresión".

Así se establece na actualización da Estratexia de Vacinación fronte á Covid-19 no Estado español.

O temor a que a capacidade de mutación do novo coronavirus favoreza a aparición de variantes resistentes ás vacinas avivou unha sensación de desesperanza que a comunidade experta insiste en rexeitar. Non hai evidencias para afirmar que as vacinas non funcionen. Ademais, a ciencia está preparada para modificalas en pouco tempo.

O Ministerio de Sanidade confía en que pronto haxa máis de tres vacinas aprobadas para administrar á poboación e agarda que o incremento de doses dispoñíbeis comece a notarse nos meses de marzo ou abril.

A Xunta recoñece nunha entrevista que dá por boas as explicacións de DomusVi sobre a vacinación da súa conselleira delegada, Josefina Fernández, e o seu irmán antes da súa quenda.

Este episodio, sen dúbida, servirá para devolver o respecto cara a unha ciencia que no seu momento serviu de exemplo ao mundo coa carreira espacial, e que vai camiño de recuperar o seu prestixio internacional con esta vacina de nome tan apropiado para a ocasión.

Josefina Fernández, máxima responsábel de DomusVi, e o seu irmán foron inoculados nun dos seus centros a pesar de non figurar "na relación inicial de persoal que manexaba a Xunta", mais Fabiola García sostén que a Administración galega "actuou ben, con rapidez" nas residencias desde o inicio da pandemia. 

A Xunta traballa nun plan de desescalada para residencias, nas que se completou o 95% da vacinación.