Lois Alcayde Dans
14/dec./20 11:53
Baixo o paraugas da marca Camiño do Viño Ribeiro, este produto amosa á Galiza e ao mundo unha historia entretecida a base de rutas, camiños, paisaxes, lugares de arquitectura simbólica, hospedaxes e adegas vital para a nosa historia comercial. Un viño, o Ribeiro, coa denominación de orixe máis antiga do país e unha das máis veteranas de toda a Península, cuxa historia chega até Inglaterra ou América da man de Colón. Falar desta bebida, expoñen viticultoras, adegueiras e expertas, é ir máis aló da mera cata e procurar unha experiencia ao ar libre en tempos onde o enoturismo, en alza, procura solucións para as súas visitantes na época da Covid-19.