A Asociación de Escritoras/es en Lingua Galega advirte que as inspeccións de Facenda para controlar os artistas que continúan facturando despois da xubilación xa están chegando a Galiza e xa están a ter efectos inmediatos nas actividades destes.
As proxeccións do INE a dez anos mostran unha Galiza cuns índices de envellecemento sen parangón. Por cada mozo demenos de 20 anos que en 2024 viva no país haberá case o duplo de maiores de 64. Nalgunhas comarcas a proporción será de 4 anciáns por cada mozo.
Con pouco máis de 18 anos marchou para a Suíza. Alá coñeceu o seu home e alá traballou máis de once anos. Elena Vázquez é unha dos milleiros de persoas que forman parte do colectivo emigrante ao que Facenda lles está a reclamar importantes cantidades en multas e intereses por non teren declarado a pensión da emigración. Co seu caso achegámonos ao que ela considera un novo e “inxusto castigo” para homes e mulleres que tiveron que marchar do país para sobrevivir.
O Instituto de Estudos Económicos (IEE) quer que se exixa un mínimo de 40 anos cotizados para poder cobrar o 100% da pensións. Tamén aposta polo recorte da prestación inicial de desemprego.
