![Nós Diario](/media/nosdiario/images/2023/01/10/2023011017211925549.png)
Redacción
11/maio/24 - 10:59
Un motorista perdeu a vida tras chocar contra unha furgoneta no municipio de Mesía (comarca de Ordes). Segundo informou o 112, foi o persoal do Servizo de Urxencias Sanitarias Galiza-061 o que deu a voz de alerta ás 20.45 horas da sexta feira e explicou que o sinistro se produciu na estrada que conecta Visantoña coas Travesas. O equipo de emerxencias mobilizou aos Bombeiros de Ordes, do GES de Curtis e á Garda Civil de Tráfico. Ademais, os servizos sanitarios mobilizaron o helicóptero medicalizado con base en Compostela. Con todo, a pesar dos esforzos o persoal sanitario nada puido facer por salvarlle a vida.