Judith Rodríguez gaña o bronce no Europeo de esgrima

A tiradora galega Judith Rodríguez conquistou a medalla de bronce en espada durante o Campionato do Europa en cadeira de rodas, que se está desenvolvendo en París (Francia), tras caer na súa semifinal por 15-8 fronte á británica Gemma Collis-McCann. Con este resultado revalidou o terceiro posto obtido no Europeo disputado en 2022 en Varsovia (Polonia). Non obstante, a pesar deste gran resultado Rodríguez non sumou puntos na súa carreira cara os Xogos Paralímpicos do próximo verán, pois só computa o mellor resultado obtido nos dous últimos Europeos, e en ambos os casos foi unha terceira posición, polo que deberá brillar en São Paulo na última proba clasificatoria o próximo maio.