Nunha xornada marcada polas decisivas eleccións ao Parlamento Europeo, Ana Peleteiro loitaba a última hora deste domingo polos metais no Campionato Europeo que este ano decorre, a falta de pouco máis dun mes para que comecen os Xogos Olímpicos, en Roma. A atleta ribeirá estreouse na gran final de triplo salto cunha marca de 14,37 metros que a colocou en cabeza de forma provisional, se ben ela mesma non parecía moi satisfeita co seu primeiro salto.
👏 ¡Ana Peleteiro logra un gran 14,37m para empezar la gran final de triple salto! #Roma2024
— Teledeporte (@teledeporte) June 9, 2024
🟠 DIRECTO | Teledeporte y https://t.co/hsv6t8Usxa pic.twitter.com/8JQUA0Vh85
No seu segundo intento Peleteiro subiu até os 14,46 metros para manter o liderado coa búlgara Alexandra Nacheva axexando desde a segunda praza con 14,35, mellor marca persoal. Mais a turca Tuğba Danışmaz, cun salto que lle valeu o récord nacional, voou até os 14,57 metros e desprazou a galega, de forma provisional, á prata.
E a piques estivo de recuperar a primeira praza na súa terceira tentativa, de novo mellorando a marca anterior, con 14,52, a cinco escasos centímetros da turca. Mais na seguinte quenda Ana Peleteiro non perdoou e asinou unha marca de 14,85 que podería traducirse nun ouro nesta competición. Son só dous centímetros menos que a súa mellor marca e récord do Estado español, 14,87, nos Xogos Olímpicos de Toquio.
🦘Triple🚺#Roma2024
— Albert Menéndez (@TrainerBertone) June 9, 2024
Ana Peleteiro
1️⃣4️⃣,8️⃣5️⃣ -0.5💨 =EL
(NR… 14,87) pic.twitter.com/vkZQPcR6d1
Unha marca que non conseguiu bater Danışmaz, que fixo dous nulos e rematou cun último salto co que non foi capaz de superar nin a súa propia mellor marca, proclamando así automaticamente, a falta do derradeiro intento, campioa a atleta de Ribeira. A súa é a primeira, e única até o momento, medalla de ouro no Europeo da delegación do Estado español.
🥇 Salta mucho. Es carisma puro. Es Ana Peleteiro-Compaoré.
— Teledeporte (@teledeporte) June 9, 2024
𝙔 𝘼𝙃𝙊𝙍𝘼 𝙔𝘼 𝙀𝙎 𝙏𝘼𝙈𝘽𝙄𝙀́𝙉 𝘾𝘼𝙈𝙋𝙀𝙊𝙉𝘼 𝘿𝙀 𝙀𝙐𝙍𝙊𝙋𝘼 𝘿𝙀 𝙏𝙍𝙄𝙋𝙇𝙀 𝙎𝘼𝙇𝙏𝙊
¡Qué concurso con un incontestable 14,85m que la pone en la cima continental! #Roma2024 pic.twitter.com/zx22COLTwm
Adrián Ben, sexto nos 800 lisos
Outro dos protagonistas desta xornada marcada polas eleccións europeas polo seu protagonismo no Europeo de Roma foi o atleta viveirés Adrián Ben, que finalizou nun meritorio sexto posto a final dos 800 metros lisos. Ben asinou unha marca de 1.46.54 nunha carreira na que o francés Gabriel Tual logrou imporse nos últimos metros ao español Mohamed Attaoui, que obtivo a prata. O italiano Catalin Tecuceanu completou o podio.