O remeiro noiés Caetano Horta proclamouse campión do mundo en scull individual peso lixeiro na final disputada no Canadá, onde están a decorrer as probas durante esta semana. Horta (21 anos), dúas veces olímpico no dobre scull, demostrou estar moi por riba dos seus rivais nesta idade e impúxose dominando a proba desde o principio até o final.
"Foi unha carreira perfecta" declarou a World Rowing unha vez acabou a proba. Esta vitoria impulsa a súa carreira individual despois de competir no dobre ao longo destes últimos anos, de facer grandes postos nas Copas do Mundo e de acadar dous diplomas olímpicos.
Reaction of Caetano Horta Pombo, winner of the gold medal for @fed_esp_remo in the U23 Lightweight men's single sculls in St Catharines#WRCHStCatharines #WorldRowingChamps pic.twitter.com/g29M7X34WB
— World Rowing (@WorldRowing) August 23, 2024