O primeiro ministro francés, Manuel Valls, presentou esta segunda feira a demisión do seu goberno ao presidente da República, François Hollande, que lle encarregou a formación dun novo executivo. A composición do novo goberno será anunciada esta terza feira, segundo o Elíseo.
A demisión chega após unha fin de semana de críticas por parte dos ministros de Economía e de Educación ás políticas de recortes e de austeridade impulsadas por Manuel Valls. Unhas críticas que, segundo medios franceses, veñen poñer de relevo o malestar que existía no executivo galego en torno a esas políticas.
Mentres a figura de Valls derrúbase nas sondaxes de opinión e valoración, estes ministros criticaban o que entenden que é un “seguidismo” das receitas impostas por Alemaña.