Rivas lembra que “apoiou, apoia e apoiará” Aministía Internacional na medida das súas “posibilidades” e que por iso lle reclama agora un posicionamento claro. Ao seu ver, despois do auto que mantén en prisión o ex conselleiro de Interior da Generalitat cómpre que o organismo emita unha opinión.
O xuíz do Tribunal Supremo Pablo Llarena ditou un auto que mantén o cárcere para Joaquim Forn malia este ter renunciado á súa acta de deputado de Junts per Catalunya obtida nas eleccións do pasado 21 de decembro.
O texto de Llarena, que numerosos xuristas cualifican de xustificación da prisión por motivos políticos, di: “O convencemento que mantén posibilita unha reiteración do delito [...] a súa ideoloxía coexiste ademais cun contexto político en que non hai certeza de que desaparecese a intención de acadar a independencia de Catalunya”.