Chouplar.- Salpicar cun líquido ao bater nel.
Exemplo: “Ao bañar o can, comezou a mover as patas e chouploume todo”.
Lugar de escoita.- Burela.
Fonte.- Mario Ferreira.
Chusmeiro.- Lugar onde remanece a auga, chusmiallo.
Lugar de escoita.- Navia de Suarna.
Fonte.- Endl de Navia de Suarna.
Chusmiar.- (Ademais de significados xa rexistrados) Zumegar, remanecer auga ou outro líquido.
Lugar de escoita.- Navia de Suarna.
Fonte.- Endl de Navia de Suarna.
Esbatoxar.- Salpicar, esbatuxar, salferir, zarrapicar.
Lugar de escoita.- San Antolín de Ibias (Asturias)
Fonte.- Mayi Colubi/Endl Navia de Suarna.
Esbatroxar.- Esbatuxar, salpicar con algún líquido.
Exemplo: Deixa de esbatroxar, que me vas poñer pingando!
Lugar de escoita.- Zona de Navia de Suarna.
Fonte.- Endl Navia de Suarna.
Golfaradas.- Chorro de auga ou doutro líquido que sae con forza, a cachón.
Exemplo: "Cortouse coa brosa e botaba sangue a golfaradas".
Lugar de escoita.- Navia de Suarna.
Fonte.- 4º da ESO Navia/Endl Navia de Suarna.
Xirimicar.- (Ademais de significados xa rexistrados) Salpicar algo.
Exemplo: “A ese xirimicoulle a auga”.
Lugar de escoita.- Lira (Carnota).
Fonte.- Carlos Manuel.
