Escarafolar.- (Ademais de significados rexistrados). Quitar capas de terra ou de madeira.
Lugar de escoita.- A Pobra do Brollón e comarca.
Fonte.- Orcelina Parada Cortiñas.
Androlla.- (Ademais de significados xa rexistrados). Calzado de madeira e coiro.
Lugar de escoita.- Cerceda.
Fonte.- Santiago López Liñares./ CPI O Cruce de Cerceda.
Duvela.- (Ademais de significados xa rexistrados). Listóns dos hórreos de madeira.
Lugar de escoita.- O Páramo (Lugo)
Fonte.- Suzana do Páramo.
Engarzo.- Apeiro de catro gallos que se utiliza para apañar herba e ten o mango de madeira.
Lugar de escoita.- Cerceda.
Fonte.- Mª Jesús Rey Liñares./ CIP O Cruce de Cerceda.
Lechón.- Cacho de madeira que se metía na cociña de leña para quentar a casa.
Exemplo: “Se lle metes un lechón grande, a cociña vai aguantar horas dando calor”.
Lugar de escoita.- Cerceda.
Fonte.- Coral Pallas Liñares./CPI O Cruce de Cerceda.
Medreñas.- Madreñas, zocas de madeira de tres pés.
Lugar de escoita.- Vigo
Fonte.- Josefina González Fandiño./ C.D. Atalaia de Vigo.
Martabela.- (Ademais de significados xa rexistrados). Arca con fecho que se empregaba para gardar a roupa. Tamén martadela.
Exemplo: “Dunha arca de madeira que se chama martabela”.
Lugar de escoita.- Sto. Adrián de Cobres (Vilaboa do Morrazo)
Fonte.- Sé Anxo Rosales González.
