O comité de Teleperformance denunciou despedimentos no centro de traballo da Coruña, segundo un comunicado no que afirma que emprenderán "todas as accións legais necesarias para a defensa dos dereitos de todos os traballadores e traballadoras".
En concreto, o comité afirma que "aproveitando a crise sanitaria de COVID-19, explota e despide aos seus traballadores" da empresa do contac center, que ocupa máis de 800 persoas empregadas.
"Teleperformance despide de forma constante cada semana alegando a non consecueción de obxectivos do traballador, que en moitos casos se deben a incidencias técnicas que sempre son responsabilidade da empresa".
Tamén afirma que o persoal "asume os custos do teletraballo na casa e tamén acepta, a proposta da empresa, adianto de vacacións, reducións de xornada, excedencias ...". "Coa conseguinte perda de poder adquisitivo, para que a empresa finalmente lles pague con despedimentos".
"A empresa, ademais, ameázaos con descontos nos salarios por falta de conexión e obrígaos a recuperar eses tempos baixo a ameaza de retirar o teletraballo". O comité tamén denuncia "chamadas aos traballadores en excedencia, obrigándoos a volver ao seu traballo".
