Con Ana Peleteiro e Belén Toimil fóra da competición, no inminente Mundial de Atletismo ao aire libre de Budapest (Hungría) o peso da representación da Galiza recae sobre Adrián Ben (Viveiro, 1998), algo que o campión de Europa asume con orgullo e responsabilidade: "Bandeira galega ao ombreiro e para adiante, por todos".
O atleta de Viveiro levou a medalla de ouro en 800 metros no campionato de Europa indoor. Ademais, o atletismo galego tivo unha boa actuación en Sub-20 e Máster nos campionatos disputados nas localidades de Sabadell (Catalunya) e Antequera (Andalucía).