alimentación

Algunhas ideas para gozar petiscando nas vindeiras festas.
 

O marisco lidera as subas de prezo a un mes das celebracións de Nadal, seguido da carne e o peixe

O sector na Galiza confirma que vai secundar o paro patronal convocado entre o 20 e o 22 de decembro. En consecuencia, consideran que pode decorrer un "colapso" en diversos sectores.

O gabinete estatal aprobou a proposición do Ministerio de Agricultura, Pesca e Alimentación para impulsar unha serie de prácticas que permitan reducir o volume de desperdicios de alimentos, un dos compromisos asinados na Axenda 2030 da Organización das Nacións Unidas.

Patricia Rodríguez é a cofundadora de “Na Abada”, un negocio familiar dedicado á produción sostíbel e responsábel de alimentos de proximidade, que naceu da antiga empresa de flor cortada que tamén pertencía á familia. Rodríguez ten claro que o eixo fundamental da súa empresa é o respecto polo medio ambiente e a posta en valor da temporalidade e da proximidade. Ademais, asegura que as institucións internacionais deben ser as encargadas de asegurar e preservar a “saúde” do noso planeta.  

O aumento dos prezos está a pór contra as cordas a economía de moitas familias galegas. Neste sentido, a alza do Índice de Prezos do Consumo (IPC) rexistrada no último ano xa duplica os incrementos salariais acordados nos convenios laborais de 2021. A perda do poder adquisitivo non dá tregua ás rendas máis baixas.

Paluso é unha asociación sen ánimo de lucro que atende as máis necesitadas e intenta proporcionarlles alimentos, roupa e artigos que non poden conseguir. O nome Paluso corresponde á primeira sílaba das fillas de Chus e Serafín, quen canda Soana Desireé decidiron fundar a asociación entre os anos 1995 e 1996. Paluso finánciase con medios propios e achegas da veciñanza e de empresas colaboradoras. As súas comidas e ceas solidarias no Nadal son coñecidas en toda a Galiza.  

O chamamento do ministro Garzón a consumir menos carne polo impacto que ten o abuso deste alimento na saúde das persoas e no medio ambiente reabriu o debate sobre o peso da dieta atlántica na Galiza e o protagonismo da carne nesa dieta. 'Nós Diario' escolle a ocasión para conversar co estudoso Xavier Castro.

Os sindicatos denuncian que as granxas galegas están a vender leite por baixo dos custos de produción, que se dispararon no último ano, co que non se está a cumprir a Lei da Cadea Alimentaria.

Desde 2010 varias promocións de nutricionistas saíron do campus de Lugo da USC. A profesora Lourdes Vázquez Oderiz sábeo ben e confía en que axuden a poboación a adquirir hábitos de alimentación saudábeis. Cos datos na man, esta docente asegura que consumimos en exceso carne e os seus derivados. Pola contra temos pendente achegarnos máis ás froitas, ás hortalizas e aos legumes.

A chegada do verán trae consigo a realización de máis actividades de exterior, e un dos pratos estrelas nos pícnic e excursións dos galegos e galegas é, como non podía ser doutro modo, a empanada.

Como se produce a nosa comida? Onde se produce e onde a mercamos? Estas son algunhas das preguntas que compartimos co alumnado da ESO dos diferentes institutos de Galicia a través da guía "Máis aló do prato". Nesta Guía propoñemos que as comunidades educativas (nas que tamén están incluídas as familias) pensen de forma colectiva sobre cal é a forma dominante de alimentación na contorna, sobre cales son os efectos que sofre o medio rural nesa mesma contorna, e que, a través dese exercicio de reflexión colectiva que propoñen as diferentes actividades didácticas, se pense criticamente sobre como construír outro sistema alimentario.

Firmas como Zendal, Jealsa ou Inditex teñen liñas de negocio pensadas para os animais domésticos.

A maneira en que se producen, distribúen e consumen alimentos vai derivar en diversas consecuencias sociais, ambientais e sanitarias. Estes impactos varían en escala e en dimensión, segundo sexa a forma de producir e de consumir e son analizados na Guía “Máis aló do Prato: analizando a dieta alimentaria na miña contorna”, un traballo publicado pola Área de Normalización Lingüística da Universidade de Vigo. Xavier Simón, David Pérez-Neira, María Montero, Damián Copena e a Cooperativa Somos Terra debullan os factores que afectan a alimentación.

A Asociación de Criadores Puraga vén de editar o libro 'O cabalo de pura raza galega: historia e situación actual', unha publicación divulgativa que recolle as principais características do equino autóctono da Galiza, do que hoxe hai perto de 1.700 exemplares. A carne do poldro galego conta cun selo distintivo de calidade debido ao seu valor nutritivo: a carne é baixa en graxa e alta en proteínas e ferro.

A Área de Normalización Lingüística da Universidade de Vigo vén de publicar a Guía Didáctica Máis aló do prato, un traballo que sitúa o foco en comprender o impacto que pode chegar a ter a nosa forma de alimentarnos.

En marrón glacé, en marmelada, cocidas, en puré, de guarnición ou até crúas. O magosto trae ás cociñas un dos froitos máis saborosos e aproveitábeis da Galiza, a castaña, un alimento que desde hai miles de anos está presente na nosa dieta, cun consumo que, como a pataca máis adiante, salvaría da fame xeracións enteiras. Aproveitada no seu tempo polos conquistadores romanos, consta hoxe dunha Indicación Xeográfica Protexida (IXP) de 1.224 hectáreas e cooperativas que, de maneira ecolóxica, recollen e venden este froito.

O monte é nesta época unha explosión de fungos. Níscaros, cogordos, sendeiriñas, champiñóns e andoas, os cogomelos máis empregados na cociña, son a tentación de quen percorre os sendeiros coa navalla e cesto na man. Na Galiza coñécense máis de 2.000 eumicetos, dos cales arredor dunhas 200 especies son comestíbeis. Unha ducia poden resultar mortais se se inxeren, outra media ducia son tóxicas, sen chegar a provocaren a morte de quen as come, e algo máis de 30, causan problemas menores.

Son das especies máis antigas que poboan a faciana da Terra. Máis que o ser humano, os animais terrestres e moito máis remotas que os mofos ou as árbores. As algas non son só a nota de cor vidrosa ou parda nas nosas praias ou un prato da nova cociña, son esenciais para o ciclo da vida e a súa desaparición, sosteñen as expertas, pode afectar a toda a cadea trófica. Na gandaría, agricultura ou gastronomía, no coidado da pel ou na lenda celta, este organismo, inserido xa nas industrias alimentarias de Asia ou de países como Francia, forma parte da economía e da ecoloxía galegas.