Eleccións Estatais 2023

O órgano responde á consulta de RTVE sobre se podía emitir na radio pública unha cuña do partido fascista ou se, pola contra, iso sería contrario ao disposto na nova lei, que recolle como "infracción moi grave" a realización de campañas que "inciten á exaltación persoal ou colectiva da sublevación militar, da guerra civil ou da ditadura cando entrañe descrédito, menosprezo ou humillación das vítimas".

A formación nacionalista lograría superar a candidatura impulsada por Yolanda Díaz na circunscrición de Pontevedra e obter así unha acta para Carme da Silva, tal e como avanzaron xa outros estudos como o recente do CIS.

Galiza escollerá 23 representantes no Congreso e 16 no Senado nos comicios estatais do 23 de xullo. A elección dos escanos realízase conforme ao estabelecido polo sistema electoral español, un modelo que adultera a proporcionalidade naquelas circunscricións de menos de 25 escanos. Así, un escano no Congreso pola Coruña custa o triplo que un por Madrid ou por Barcelona.

O partido fascista enviou aos medios públicos unha cuña radiofónica que contiña o himno adoptado pola ditadura franquista.

Os comicios do 23-X, coa súa elección de senadores e senadoras, serve para volver abrir o debate sobre a función e sentido do Senado.

Foi unha lexislatura extraordinaria, marcada por unhas circunstancias sanitarias inéditas, golpeada por unha crise económica que aínda non entrou na súa fase máis dura, condicionada por un endiañado escenario xeoestratéxico a nivel internacional e que deixou, no seu conxunto, un sabor agridoce na Galiza. Un novo período político cheo de retos para o país ábrese a partir das eleccións de 23 de xullo. Comeza a conta atrás.

A campaña xa está formalmente aberta. As principais forzas políticas aproveitaron a tradicional pegada de carteis para facer unha chamada á participación nas eleccións estatais do 23 de xullo e enunciar as ideas forzas da súa proposta programática para uns comicios que todos os expertos coinciden en sinalar como abertos. Precisamente, este escenario leva as formacións políticas galegas a unha intensa campaña electoral, co obxectivo de decantar o electorado indeciso, cuxo sufraxio, máis unha vez, volverá ser chave.

A unhas horas do inicio da campaña, o BNG chama a "non votar por medo" e a "facer posíbel o que din que é imposíbel"

O bico de dúas mulleres, a memoria da represión falanxista, as reivindicacións feministas ou o uso da lingua asturiana semellan motivos suficientes para a ultradereita vetar eventos culturais nos municipios españois nos que vén de acceder ao goberno da man do PP.