medio ambiente

“Coalición de intereses entre unha multinacional e a Xunta de Galiza”. Esta é a consideración que o deputado Antón Sánchez fai dos contestados parques eólicos de Paradela. Vén de rexistrar unha iniciativa no Parlamento galego en que reclama a paralización dos parques de Serra de Penas e Paradela.

A oposición veciñal aos parques eólicos de Enel Green Power/Endesa en Paradela vén de dar un paso adiante: constitúe a plataforma Stop Eólicos co obxectivo de impedir a instalación de 27 aeroxeradores de gran porte nunha “na que ata o de agora era unha das paisaxes máis privilexiadas de Galiza”.

No Souto de Rozavales, en Manzaneda, atópase o castiñeiro coñecido máis antigo de Galiza: o de Pumbariños, 13 metros de perímetro. Hai 19 anos, o Goberno galego declarouno Monumento Natural. Esta catedral da natureza áchase agora ameazada polo desleixo. Denúnciao o deputado do Grupo Mixto Davide Rodríguez.

No último pleno do Parlamento de Galiza o pasado 25 de xuño, a Xunta presentou a debate unha nova lei de Patrimonio Natural. O seu articulado inclúe os requisitos para a declaración de parque natural. Segundo ese texto, só un dos seis existentes na actualidade podería obter a declaración.

Os conservadores que non conservan nada. Así definiu o deputado nacionalista Luís Bará o Partido Popular no debate parlamentario sobre a proposta de Lei de Patrimonio Natural presentada pola dereita. “O Goberno de Feixoo non ten estratexia de protección do patrimonio natural e da biodiversidade”, afirmou Bará, “o que se plasma nunha proposta mala, cutre e sen ambición”.

Galiza perde anualmente 42 millóns de toneladas de solo pola erosión, denuncia Adega. Advírteo con motivo do Día Mundial de Loita contra a Desertización do Solo, que se celebra esta segunda feira. 

A cuestión ambiental gañou nestes anos protagonismo específico nos programas electorais, a cabalo da cada vez maior preocupación e compromiso cidadán por este tema. Que propoñen as diferentes formacións que compiten nestas eleccións a respecto do medio ambiente?

Trece colectivos galegos participaron na delegación, atendendo unha iniciativa da eurodeputada Lidia Senra.

Plataformas cidadás das comarcas de Santiago, Ordes, Bergantiños e o Deza veñen de unir forzas para lles reclamar ás administracións o cumprimento da obriga de vixilancia medioambiental.

Segundo a ONU, a industria da moda é a segunda máis contaminante do planeta. Durante a súa produción e transporte, é a responsábel de 10% das emisións de carbono de todo o mundo e de 20% das augas residuais, debido aos numerosos vertidos tóxicos en ríos e mares.

 

Fan parte dela colectivos e entidades galegas como Adega ou Amigos da Terra.

 

Os axentes forestais e ambientais da Xunta veñen de convocar unha manifestación “en defensa do patrimonio natural galego” para esta cuarta feira, 22 de agosto. A marcha partirá ás sete da tarde desde a Praza dos Cabalos de Vigo.
 

 

Cunha previsión de até 43º na Arnoia (Ourense), a meirande parte da poboación vivirá temperaturas extremas cunha mala calidade do aire provocada polos ventos que chegan do norte de África cargados de area e po. É neste contexto no que deben traballar axentes medio ambientais, cunhas condicións laborais que dificultan o labor de extinción. Os Axentes forestais manteñen unha greve indefinida desde o día 1 mentres os axentes medio ambientais a adian até a reunión coa Xunta, na próxima segunda feira.

O BNG pide ao Seprona que investigue as causas da turbidez das augas do río ao seu paso por Calvos (Touro).

Lanzaranse publicamente o vindeiro 21 de abril en Froxán. Organizaranse local e comarcalmente e defínense como unha iniciativa de voluntariado ambiental para recuperar a biodiversidade dos montes do país.

24% das marxes dos ríos analizados están moi degradadas, 6 puntos máis que hai dous anos. Aliás, 41% dos ríos estudados en primavera tiñan moi bo estado de saúde; porcentaxe que en outono caeu a 25% dos casos.