Unha rede cosida con música jazz tapizará a ría de Ferrol na fin de semana do 17 ao 19 de agosto. O festival Jazz de Ría unirá Ferrol e Mugardos cunha programación repartida nas dúas localidades que achegará algunhas das principais variedades do xénero.
Clásicos contemporáneos e clásicos de sempre da música galega encabezan a 35 edición da Festa da Carballeira de Zas. Canda eles, propostas irlandesas, escocesas ou mesmo celtic blues do Xapón.
A 66ª Festa do Albariño de Cambados vivirá un espectáculo musical insólito. A Orquestra de Jazz de Galicia embarcou nun aventurado proceso de fusión entre a tradición galega, a copla e a canción de autor pop célebres practicantes dos mencionados xéneros. Esta sexta feira, 3 de agosto, amosárano ao público.
Se a etiqueta “músicas do mundo” aínda ten algún sentido é para citas como a do Festival de Pardiñas. O mítico encontro de Guitiriz, que este ano celebra a súa edición número 39, acolle bandas e propostas galegas, mexicanas, portuguesas e irlandesas.
Nomes tan míticos como Peste & Sida, punk rockers portugueses da quinta dos oitenta, e tan populares como Eladio y los Seres Queridos, vigueses que en Cantares (2016) repasaron alfaias do folk pop galego, atópanse na cabeceira do Verdoejo Art Rock. O festival, esta fin de semana en Valença do Minho, xunta bandas das dúas beiras da Raia.
Os festivais en escenarios singulares son unha tendencia cada vez máis habitual. A oferta de citas musicais no verán galego é tan ampla que, dalgún xeito, as promotoras buscan diferenciarse. É o caso do do 17 graos Festival Ribeira Sacra, que terá lugar nesa bisbarra vitivinícola do 27 ao 29 de xullo.
Este sábado, Ugia Pedreira e Marina Ourol ofrecen unha performance no espazo Caritel, na parroquia focense San Martiño de Mondoñedo
Na densa oferta de festivais de música no verán galego hainos de varias tipoloxías. Politizados, de menú variado, inclinados ás bandas galegas, con nomes de eco internacional, veteranos, abertos a outras artes ou estilisticamente monográficos. A esta última categoría pertence o Blues Museum, que esta fin de semana celebra en Lugo a súa segunda edición.
A oferta é inabarcábel. Medra a cada ano. Converteuse nun dos principais modelos de lecer do verán galego: o festival. Hainos de todas as cores e para todos os gustos (sonoros). Acollen lendas do heavy clásico e reivindicación nacional, troula herdada da tradición e tendecias pop de vangarda. Son en urbes e en carballeiras, nos peiraos e polas prazas. A música en directo ocupa cada fin de semana do estío.
Xosé Lois Seixo é a alma mater de Pirilampo e o seu vocalista. Conversamos con el cando o grupo, que editou o seu sexto disco, Serpe de Cristal (Galaxia), vén de recibir o Premio Rosalía de Castro da Deputación da Coruña.
É a primeira vez que un beatle actúa en Galiza. Non é o que máis cancións achegou ao cuarteto, pero si cantou unha das máis célebres: Yellow Submarine. Tamén compuxo algunha disimulada alfaia. É o caso de Octopus's Garden. O seu carisma, ademais, resulta indiscutíbel. Esta sexta feira actuará no Coliseo da Coruña.
Máis de 60 músicos e músicas participan no quinto disco da orquestra folk SonDeSeu. Beiralúa é o título dun traballo que procura “a celebración da vida plena” da súa experiencia pioneira: “Abrir un camiño novo na rrelaboración da música de tradición oral galega”.
A Illa das Esculturas de Pontevedra acollerá, un ano máis, o festival Surfing the Lérez. Será este sábado, 16 de xuño, cun abondoso cartel en que figuran 15 bandas de Galiza e de fóra. Mais antes, en concreto a partir da noite da cuarta feira, día 13, haberá aperitivos.
O disco Memorias do óxido é o cofre do tesouro de Radio Océano. Inencontrábel o seu único, antolóxico, elepé, Nin falta que fai (1986), a súa memoria transitaba a forza de versións doutros, en casetes ou a través de vinilos ripeados na web. Ate que o selo madrileño Subterfuge, un dos responsábeis da explosión indie estatal nos noventa, puxo fin a tan anómala circunstancia. Memorias do óxido recolle 25 cancións, en estudio e en directo, da banda coruñesa comandada por Xosé Manuel Pereiro e Santiago Romero.
Antón López (Vigo, 1960) é un dos membros fundadores de Treixadura, un dos grupos musicais que máis persoas move no país. Falamos con el do novo disco que veñen de lanzar, Inda Canto!, o sétimo da formación, no que botan a ollada aos seus comezos para concluír que o camiño pasa por seguir “tocando a gaita, cantando e facéndollo pasar ben á xente”. Eis un extracto da conversa, publicada no Sermos Galiza 299.
Os posíbeis fíos que cosen a música co gastronomía de Galiza preocupan a Xurxo Souto. Tanto que esta segunda feira, 11 de xuño, ofrecerá unha palestra de título Despensa Sonora sobre as interaccións das dúas disciplinas. Será na sala Numax de Compostela dentro do programa Música e Pratos das adegas Martín Códax.
Un concerto do cuarteto do cantante e saxofonista lugués Antonio Otero abrirá o primeiro Festival Internacional de Jazz de Bueu a quinta feira, 7 de xuño, no bar Farol. Organizan a Asociación de Jazz da localidade morracense e mais o concello.
O cantor de intervención e sindicalista Benedicto García Vilar morreu esta segunda feira en Santiago de Compostela, onde nacera hai 71 anos. Con el extínguese parte da memoria fundacional da Nova Canción Galega e a canción antifranquista.
