O BNG felicita o Ano Novo do Dragón en chinés: "Somos un país diverso que queremos seguir adiante"

O Bloque Nacionalista Galego difundiu este 10 de febreiro un vídeo en chinés para felicitar o inicio do Ano Novo do Dragón de Madeira a unha comunidade que na Galiza supera as 3.250 persoas segundo os datos do INE correspondentes ao censo de 2022.

"Parabéns e feliz ano do Dragón de Madeira! Dende o BNG queremos felicitar a toda a comunidade chinesa que vive na Galiza", di o vídeo difundido nas redes sociais do BNG en chinés.

"Somos un país aberto e diverso que queremos avanzar cara a un futuro mellor", sinala o vídeo que remata cunha das imaxes da campaña de Ana Pontón e o lema "presidente".