Un camión perde a súa carga de vigas de formigón entre Ames e Negreira e ocasiona retencións

Un camión que transportaba vigas de formigón perdeu parcialmente a súa carga na mañá desta segunda feira na estrada que une Negreira con Bertamiráns, o que causou retencións na zona e tráfico lento, aínda que xa foi restabelecido. O suceso tivo lugar pouco despois das 8 horas na AC-544 ao seu paso pola parroquia de Trasmonte, en Ames, nas proximidades do desvío a Ponte Maceira. Foi o propio camioneiro o que alertou o 112 de que perdera parte da súa carga, vigas de formigón, que quedaran sobre a estrada. Até a zona desprazáronse efectivos de Garda Civil de Tráfico, para regular a circulación, e GES de Brión. Por fortuna, non houbo que lamentar persoas feridas.