A xustiza adxudica a venda de Maderas Iglesias a unha empresa vasca por 9,4 millóns de euros

O Xulgado do Mercantil número 3 de Pontevedra, con sede en Vigo, adxudicou a venda de Maderas Iglesias ao grupo empresarial vasco Suco Interiors por 9,4 millóns de euros. Unha transacción que levará a cabo a través da filial que esta compañía ten en Silleda (Deza), denominada Rica Interiors. Desde hai anos, o persoal de Maderas Iglesias mantiña un conflito laboral coa empresa ante a posibilidade de perda dos postos de traballo.