Segundo un inquérito publicado este domingo polo xornal La Voz de Galicia, de se produciren as eleccións neste momento, após facérense públicos os papeis que vinculan a cúpula do Partido Popular cunha pretensa contabilidade en diñeiro nego, Alberto Núñez Feijóo perdería cinco escanos no Pazo do Hórreo (o 3,5% dos seus votos). Malia a que o actual presidente da Xunta de Galiza procurou desde o primeiro momento afastarse do escándalo destapado por diversos xornais españois --asegurando que el nin sequer militaba no partido naquela altura-- o certo é que unha parte do seu electorado --nomeadamente nas circunscricións da Coruña e Pontevedra-- non votarían polo PP.
Os resultados tirados da enquisa reflicten un importante aumento do voto en blanco e a abstención --vencellada directamente á queda de apoios no PP-- e o medre de apoios da coligación electoral da que fan parte Esquerda Unida -en alza no Estado- e Anova (conseguiría 15 deputad@s). Pola súa banda, o BNG mantería a súa representación (7 escanos) entrementres o PSdeG perdería un(ha) deputad@.
Cumpre lembrar que de non se teren avanzado as eleccións ao pasado mes de Novembro, os comicios galegos non se terían realizado aínda, pois estaban axendados para o mes de Marzo de 2013.