A delegación da Asociación para a Defensa Ecolóxica de Galiza (Adega) na Coruña informou esta cuarta feira da presentación dunha denuncia por unha actuación con maquinaria pesada nunha praia de Arteixo (comarca da Coruña) que pertence á Rede Natura 2000.
Despois de recibir un vídeo a través das redes sociais, gravado esta terza feira pola tarde na praia de Repibelo (Arteixo), desde a delegación coruñesa de Adega puxéronse en contacto coa Concellaría de Medio Ambiente do municipio, que informou de que non tiña constancia da actuación nesta contorna natural.
⚠️⚠️⚠️ADEGA-A Coruña presenta denuncia por esta actuación con maquinaria pesada👇 nunha praia da Rede Natura 2000🏖❗️
🧵 pic.twitter.com/jaObC7y7q5— ADEGA (@ADEGAgz) July 3, 2024![Publicidade 201554]()
Acto seguido, a delegación de Adega presentou respectivas solicitudes de información ambiental no Concello de Arteixo, na Xunta da Galiza e na Demarcación de Costas para que fose acometida a paralización inmediatamente desta actuación.
ZEC e Rede Natura 2000
Segundo lembra a asociación ecoloxista a respecto do lugar onde se levou a cabo esta actuación, a praia de Repibelo está dentro da Zona de Especial Conservación (ZEC) da Costa da Morte, unha contorna que ademais forma parte da Rede Natura 2000.
"É un despropósito que se utilice maquinaria pesada nunha zona de especial protección ambiental pola grave alteración do hábitat que está causando", culminou a delegación de Adega tras a presentación da denuncia por esta actuación.
